వేణు మాధవ్ ఆఖరి ఫోటో.. ఇదే !

ఎప్పుడూ ప్రేక్షకులను నవ్వించే వ్యక్తి నవ్వుతూ చనిపోయాడు. అవును.. వేణు మాధవ్ ఆఖరి ఫోటో టీఎస్ మిర్చికి అందింది. ఇందులోనూ వేణు మాధవ్ చిరు నవ్వులు చిందిస్తూ కనిపించారు. ఆయన ఆరోగ్య పరిస్థితి విషమంగా ఉన్న సమయంలో, ఒక్కమాటలో చెప్పాలంటే చనిపోవడానికి కొద్ది గంటల ముందు తీసిన ఫోటో అది. గతకొన్నాళ్లుగా సికింద్రాబాద్ యశోదా ఆసుపత్రిలో చికిత్స పొందుతూ బుధవారం మధ్యాహ్నం 12:21గంటలకి వేణు మాధవ్ తుదిశ్వాస విడిచిన సంగతి తెలిసిందే.

వేణుమాధవ్ లొకేషన్‌లో ఉంటే అందరితో సరదాగా మాట్లాడేవాడు. అనతి కాలంలోనే మంచి ఆర్టిస్టుగా, మంచి మనిషిగా గుర్తింపు తెచ్చుకున్నాడు. పేదవాళ్లకు ఎంతో సాయం చేశాడు. అలాంటి వ్యక్తి లేకపోవడం మాకు, సినీ పరిశ్రమకు తీరనిలోటని ఆయనతో ఉన్న అనుబంధాన్ని గుర్తు చేసుకొంటున్నారు సినీ ప్రముఖులు. తెలంగాణ ముఖ్యమంత్రి కేసీఆర్ వేణు మాధవ్ మృతిపట్ల సంతాపం తెలిపారు. వేణుమాధవ్ తన నటనతో అనేక మంది అభిమానులను సంపాదించుకున్నారు. ఆయన ఆత్మకు శాంతి కలగాలని సీఎం కేసీఆర్ ఆ భగవంతుడిని ప్రార్థించారు.