‘సైరా’ ఫస్ట్ రివ్యూ వచ్చేసిందోచ్ !

అక్టోబర్ 2న ప్రేక్షకుల ముందుకు రాబోతున్న మెగాస్టార్ ‘సైరా’ కోసం అభిమానులు ఆతృతగా ఎదురు చూస్తున్నారు. సైరా ఎలా ఉండబోతుంది. ఇండస్ట్రీ రికార్డులు బద్దలవుతాయా ? అనే ఆసక్తి అభిమానుల్లో నెలకొన్నాయ్. వాటికి తెరదించుతూ సైరా ఫస్ట్ రివ్యూ అందించారు ప్రముఖ సినీ విశ్లేషకుడు ఉమైర్ సంధు. భారీ సినిమాల రివ్యూని ముందుగానే అందించే సంధు తాజాగా సైరా ఫస్ట్ రివ్యూని అందించారు. ఉమైర్ సంధు యూఏఈ సెన్సార్ బోర్డు సభ్యుడు కూడా. కొద్దిసేపటి క్రితమే అమెరికాలో సైరా సెన్సార్ పూర్తయింది. దీంతో వెంటనే సైరా ఫస్ట్ రివ్యూని అందించారు ఉమైర్.  సినిమా అద్భుతంగా  ఉందని కితాబిచ్చాడు.

సైరా చూసిన తరువాత నోట మాటలు రాలేదు. సినిమా ఖచ్చితంగా బ్లాక్ బస్టర్ హిట్ అవుతుందని ఉమైర్ ట్వీట్ చేశాడు. సినిమాలో చిరు పెర్ఫార్మన్స్ కి నేషనల్ అవార్డు ఖాం. లైఫ్ టైమ్ పెర్ఫార్మన్స్ చేశారని రాసుకొచ్చాడు. సైరాపై ఉమైర్ సంధు అందించిన ఫస్ట్ సినిమాతో సినిమాపై అంచనాలు ఆకాశన్నంటాయని చెప్పవచ్చు. రిలీజ్ కి ముందే సైరా బ్లాక్ బస్టర్ హిట్ అని తేలిపోయింది. ఇక మిగిలింది ఇండస్ట్రీ రికార్డు బద్దలవ్వడమే మిగిలింది. బాలీవుడ్ లోనూ సైరా రికార్డులు సృష్టించడం ఖాయమని చెబుతున్నారు.

సురేంధర్ రెడ్డి దర్శకత్వంలో మెగాస్టార్ చిరంజీవి నటించిన చిత్రమిది. తొలితరం స్వాత్రంత్య్ర సమరయోధుడు ఉయ్యాలవాడ నరసింహారెడ్డి జీవితకథ ఆధారంగా తెరకెక్కింది. ఇందులో నరసింహారెడ్దిగా చిరు, ఆయన గురువు పాత్రలో బిగ్ బీ అమితాబ్ నటించారు. నయనతార, తమన్నా, అనుష్క, జగపతిబాబు, విజయ్ సేతుపతి, కిచ్చ సుధీప్ తదితరులు కీలక పాత్రల్లో నటించారు. అమిత్ త్రివేది సంగీతం అందించారు. దాదాపు రూ. 350కోట్ల బడ్జెట్ తో కొణిదెల ప్రొడక్షన్ కంపెనీపై రామ్ చరణ్ నిర్మించారు.