తిప్పరా మీసం.. !
మెగా పవర్ స్టార్ రామ్ చరణ్ కోరిక తీరింది. ఆయన తండ్రి, మెగాస్టార్ చిరంజీవికి ‘సైరా’ అద్భుతమైన గిఫ్ట్ ఇవ్వాలని భావించారు. ఇచ్చేశారు. బుధవారం ప్రేక్షకుల ముందుకొచ్చిన ‘సైరా’ విమర్శకుల ప్రశంసలు అందుకొంది. చారిత్రాత్మక చిత్రాన్ని కమర్షియల్ యాంగిల్ లో అద్భుతంగా చూపించారనే ప్రసంసలు కురుస్తున్నాయ్. ఇక ఉయ్యాలవాడ నరసింహారెడ్డి పాత్రలో మెగాస్టార్ జీవించేశారు. లైఫ్ టైం ఫర్ ఫెన్స్ ఇచ్చారు. ఈ సినిమాతో చిరు జాతీయ అవార్డ్ ఖాయమని నేషనల్ మీడియా కూడా అంటోంది.
ఈ నేపథ్యంలో రామ్ చరణ్ లక్ష్యం నెరవేరినట్టయింది. సైరా సినిమా మొదలైనప్పటి నుంచి చరణ్ ఒక్కటే చెబుతున్నారు. ఈ సినిమా విషయంలో బడ్జెట్ గురించి ఆలోచించడం లేదు. నాన్నకి మంచి సినిమా ఇవ్వాలన్నదే లక్ష్యం అన్నారు. దానికి తగ్గట్టుగానే సైరా కోసం భారీగా ఖర్చు చేశారు. మంచి నటీనటులు, టెక్నిషన్స్ తీసుకొన్నారు. మంచి అవుట్ పుట్ ని రాబట్టగలిగారు. సైరాతో చిరు కోరిక తీర్చడంతో పాటు కమర్షియల్ గా హిట్ కొట్టారు. ఈ నేపథ్యంలో ‘తిప్పరా మీసం..’ అంటూ చరణ్ ఫోటోలని సోషల్ మీడియాలో పోస్ట్ చేస్తున్నారు మెగా అభిమానులు. ప్రస్తుతం ఆర్ ఆర్ ఆర్ సినిమా కోసం చరన్ కోర మీసాలు పెంచిన సంగతి తెలిసిందే.
