స్వీటీ కూడా ఫ్రీగానే చేసిందట !
‘సైరా’తో మెగాస్టార్ చిరంజీవి కోరిక తీరింది. చారిత్రాత్మక చిత్రంలో నటించాలన్నది చిరు చిరకాల కోరిక. ఆ కోరికని సైరాతో రామ్ చరన్ తీర్చారు. తొలిస్వాత్రంత్య్ర సమరయోధుడు ఉయ్యాలవాడ నరసింహారెడ్డి జీవితకథతో తెరకెక్కిన చిత్రమిది. బుధవారం ప్రేక్షకుల ముందుకొచ్చిన సైరా బ్లాక్ బస్టర్ హిట్ సొంతం చేసుకొంది. ఈ ఆనందంలో గురువారం చిత్రబృందం సక్సెస్ మీట్ ని నిర్వహించింది. ఈ సందర్భంగా మాట్లాడిన చిరు.. మరో ఆసక్తికర విషయాన్ని బయటపెట్టారు.
సైరా కోసం బాలీవుడ్ మెగాస్టార్ అమితాబ్ బచ్చన్ పైసా కూడా తీసుకోకుండా నటించిన సంగతి తెలిసిందే. ప్రయాణ ఖర్చులని కూడా బిగ్ బీ సొంతంగానే పెట్టుకొన్నారని.. అందుకు ఆయనకి కృతజ్ఝతలు తెలిపారు చిరు. అమితాబ్ మాత్రమే కాదట.. స్వీటీ అనుష్క కూడా సైరా కోసం పారితోషికం తీసుకోలేదట. ఆమె సైరాలో ఝాన్సీ లక్ష్మీ భాయ్ పాత్రలో మెరిసిన సంగతి తెలిసిందే.
సినిమాలో ఉయ్యాలవాడ నరసింహారెడ్డి కథని స్వీటీనే నేరేట్ చేస్తోంది. సినిమా రిలీజ్ ముందు అనుష్క లుక్, ఆమె పాత్ర గురించి ఎక్కడా లీక్ కాకుండా జాగ్రత్తపడ్దారు. అది బాగా కలిసొచ్చింది. ఝాన్సీ లక్ష్మీభాయ్ కంటే ముందే తొలిస్వాత్రంత్య్ర పోరాటం చేసింది.. ఓ తెలుగువాడు అని సినిమా చూస్తున్న ప్రేక్షకుడికి సప్రైజ్ గా అనిపించింది. ప్రస్తుతం సైరా కలెక్షన్స్ జోరు చూపిస్తోంది. ఈ క్రమంలో నాన్ బాహుబలి, కొన్ని చోట్ల బాహుబలి రికార్డులు బ్రేక్ అవుతాయేమో చూడాలి.
