సంక్రాంతి సినిమాల దసరా ఫైట్ !
సంక్రాంతి సినిమాల దసరా ఫైట్ మరికొద్దిసేపట్లో మొదలుకానుంది. వచ్చే యేడాది సంక్రాంతి సినిమాలు ఏంటన్నది అప్పుడే తేలిపోయిన సంగతి తెలిసిందే. మహేష్ ‘సరిలేరు నీకెవ్వరు’, అల్లు అర్జున్ ‘అల వైకుంఠపురంలో’, బాలయ్య 105, కల్యాణ్ రామ్ ‘ఎంతమంచివాడవు రా!’ సినిమాలు సంక్రాంతికి ఖర్చీప్ వేసేశాయ్. ఐతే, సంక్రాంతి సినిమాల ప్రమోషన్స్ దసరా కంటే ముందే ప్రారంభం కావడం విశేషం. దసరా కానుకగా సంక్రాంతి సినిమాల ఫోస్టర్స్ క్యూ కడుతున్నాయి.
‘సరిలేరు నీకెవ్వరు’ దసరా పోస్టర్ ఈ సాయంత్రం 5:04గంటలకి రాబోతుంది. అంతకంటే ఓ గంట ముందే అంటే సాయంత్రం 4:05నిమిషాలకి ‘అల.. వైకుంఠపురంలో’ దసరా పోస్టర్ రాబోతుంది. ఇక బాలయ్య 105 టైటిల్ పోస్టర్ రేపు విడుదల చేయబోతున్నారు. ఆ మరుసటి రోజే ఎంత మంచివాడవురా ! టీజర్ రాబోతుంది. ఇలా సంక్రాంతి సినిమాలు దసరా నుంచే ప్రమోషన్స్ ని మొదలెట్టినట్టు కనిపిస్తోంది. మరీ.. దసరా రేసులో ఆకట్టుకొన్న సంక్రాంతి చిత్రంగా ఏ సినిమాలు నిలుస్తాయి అన్నది చూడాలి.
ఇప్పటి వరకు మాత్రం సంక్రాంతి సినిమాల ప్రమోషన్స్ రేసులో అల.. వైకుంఠపురంలో ముందుంది. ఆ సినిమా నుంచి వచ్చిన తొలిపాట ‘సామజవరగమన’ మంచి స్పందన వచ్చింది. ఈ యేడాది వచ్చిన బెస్ట్ గా సామజవరగమన నిలవనుందని చెబుతున్నారు. ఈ ఒక్కసాంగ్ తో అల.. ప్రమోషన్స్ పీక్స్ కి చేరిపోయాయి. మహేష్ సరిలేరు నీకెవ్వరు అప్పుడే ప్రేక్షకుల నోళ్లలో నానుతోంది. ఇక మిగిలింది బాలయ్య, కల్యాణ్.. త్వరపడాలి. అసలైన సంక్రాంతి సినిమా అనిపించుకొనేందుకు కృషి చేయాలి.
