పవన్ కథ విన్నాడు. కానీ.. !
పవర్ స్టార్ పవన్ కల్యాణ్ మళ్లీ సినిమాలు చేయాలని ఆయన అభిమానులు గట్టిగా కోరుకొంటున్నారు. కొందరు దర్శక-నిర్మాతలు, అభిమానులు సినిమాలు చేయమని పవన్ ని వేడుకొంటున్నారు. ఇటీవల పవన్ కూడా కథ విన్నాడు. కానీ, సినిమా చేస్తానని హామీ మాత్రం ఇవ్వలేదని సమాచారమ్. ఇంతకీ పవన్ కి కథ వినిపించిన దర్శకుడు ఎవరో తెలుసా ? క్రిష్. క్రిష్ చెప్పిన కథ పవన్ కి బాగా నచ్చేసింది. ఐతే, సినిమా చేస్తానని పవన్ నుంచి హామీ లభించలేదని తెలుస్తోంది. అయినా.. పవన్ కోసం క్రిష్ మరికొంత కాలం వెయిట్ చేయనున్నట్టు టాక్.
క్రిష్ మంచి దర్శకుడిగా గుర్తింపు తెచ్చుకొన్నాడు. కానీ కమర్షియల్ హిట్ కొట్టలేకపోతున్నాడు. మణికర్ణిక, ఎన్టీఆర్ బయోపిక్ చిత్రాలు క్రిష్ ఇమేజ్ ని డ్యామేజ్ ని చేశాయ్. ఈ నేపథ్యంలో ఓ కమర్షియల్ హిట్ తో సత్తా చాటాలనే కసితో ఉన్నాడు. ఇందుకోసం క్రిష్ పవన్ ని ఎంచుకొన్నారు. పవన్ ని సినిమా చేసేందుకు ఒప్పించాల్సిందిగా మెగాస్టార్ చిరంజీవిని కోరారు. ఫైనల్ గా పవన్ కి కథ అయితే విపించగలిగాడు. కానీ సినిమా చేసేందుకు ఒప్పించలేకపోయాడు. మరీ.. పవన్ మనసు మారి క్రిష్ తో సినిమా చేసేందుకు ఒప్పుకొంటాడా ? అన్నది చూడాలి.
