‘రాజుగారి గది3’ సెన్సార్ రివ్యూ

ఓంకార్ దర్శకత్వంలో వచ్చిన ‘రాజుగారి గది’ సూపర్ హిట్టయింది. ప్రేక్షకులని ఉత్కంఠకి గురి చేస్తూనే.. వినోదాన్ని పంచాడు. అది ప్రేక్షకులకి బాగా నచ్చేసింది. దాంతో రాజుగారి గది 2 ని తీసుకొచ్చాడు ఓంకార్. కింగ్ నాగార్జున, సమంత కీలక పాత్రల్లో నటించిన ‘రాజుగారి గది 2’ క్రేజ్ సినిమాగా ప్రేక్షకుల ముందుకొచ్చింది. బాగానే ఆడింది. కానీ, రాజుగారి గదితో పోలిస్తే.. సీక్వెల్ లో కామెడీ డోస్ తగ్గింది. 
ఇప్పుడు దీన్ని దృష్టిలో పెట్టుకొని.. ‘రాజుగారి గది 3’లో వినోదం డోస్ ని మరింత పెంచాడట ఓంకారు. అశ్విన్-అవికా  గోర్ జంటగా నటించిన రాజుగారి గది 3 ఈవారమే (అక్టోబర్ 18) ప్రేక్షకుల ముందుకు రానుంది. తాజాగా ఈ సినిమా సెన్సార్ కార్యక్రమాలని పూర్తి చేసుకొంది. యు/ఎ సర్టిఫికెట్ పొందింది. సినిమా చూసిన సెన్సార్ సభ్యులు.. మూడో గది బాగుంది. హర్రర్ ఎలిమెంట్స్ తో పాటు సినిమాలో కామెడీ బాగా పండిందని చెప్పినట్టు సమాచారమ్. 

అంతేకాదు.. చోటా కె నాయుడు సినిమాటోగ్రఫీ, క్లైమాక్స్ సన్నివేశాలు చిత్రానికి హైలైట్ గా నిలిచే అవకాశం ఉందని చెప్పినట్టు తెలుస్తోంది. మొత్తానికి.. రిలీజ్ కి ముందే రాజుగారి గది 3పై పాజిటివ్ టాక్ నడుస్తోంది. మరీ.. ప్రీ టాక్ నిజమవుతుందా ? రాజుగారి గది 3 హిట్ అవుతుందా ? అన్నది శుక్రవారం వరకు వేచి చూడాల్సిందే.