ఈ స్పీడేంటీ వెంకీ.. ?

ఈ యేడాది ‘ఎఫ్2’తో బ్లాక్ బస్టర్ హిట్ అందుకొన్నాడు విక్టరీ వెంకటేష్. అనిల్ రావిపూడి దర్శకత్వంలో వెంకీ, వరుణ్ తేజ్ ల మల్టీస్టారర్ గా వచ్చిన ఎఫ్ 2 బ్లాక్ బస్టర్ హిట్ అయింది. అసలైన సంక్రాంతి సినిమా అనిపించుకొంది. అత్యధిక లాభాలు తీసుకొచ్చిన సినిమాగా రికార్డ్ సృష్టించింది. ఎఫ్2 ఇచ్చిన కిక్కులో ‘వెంకీమామ’ సినిమాని మొదలెట్టాడు. వెంకీమామ టార్గెట్ కూడా సంక్రాంతియే.వచ్చే యేడాది సంక్రాంతి కానుకగా వెంకీమామ రావాలనుకొన్న.. తీవ్ర పోటీ ఉండటంతో డిసెంబర్ లో వచ్చే ఛాన్స్ కనిపిస్తోంది.

ఇక వెంకీమామ తర్వాత వెంకీ సినిమా ఖరారైంది. తరుణ్ భాస్కర్ దర్శకత్వంలో వెంకీ తదుపరి సినిమా ఉండనుంది. ఇప్పటికే ఈ సినిమా ప్రీ ప్రొడక్షన్ పనులు మొదలయ్యాయి. డిసెంబర్ లో సినిమా రెగ్యూలర్ షూటింగ్ ప్రారంభం కానుంది. మూడ్నాలుగు నెలల్లో సినిమాని పూర్తి చేసేలా ప్లాన్ చేస్తున్నట్టు సమాచారమ్. దీంతో పాటు.. త్రినాథ రావ్ నక్కిన దర్శకత్వంలో వెంకీ ఓ సినిమా చేయనున్నాడు. ఈ సినిమాని కూడా త్వరలోనే మొదలెట్టబోతున్నాడు వెంకీ. ఈ రెండు సినిమాలతో పాటు వెంకీ కోసం త్రివిక్రమ్ లైన్ లో ఉన్నాడు. వీరి కాంబోలో సినిమా కోసం ప్రేక్షకులు ఆతృతగా ఎదురు చూస్తున్నారు. మొత్తానికి వెంకీ స్పీడు మీదున్నాడు.