‘సామజవరగమన’ లైకుల రికార్డ్ !

త్రివిక్రమ్-అల్లు అర్జున్ కాంబోలో తెరకెక్కుతోన్న హ్యాట్రిక్ చిత్రం ‘అల.. వైకుంఠపురంలో’. వచ్చే యేడాది సంక్రాంతి కానుకగా జనవరి 12న ప్రేక్షకుల ముందుకు రానుంది. ఈ సంక్రాంతి సినిమా ప్రమోషన్స్ ని దసరా నుంచే మొదలు పెట్టిన సంగతి తెలిసిందే. తొలి పాటగా ‘సామజవరగమన’ లిరిక్ ని వదిలారు. సిరివెన్నెల సీతారామశాస్త్రి  రచించిన ఈ పాటని సిద్ శ్రీరామ్ పాడారు. థమన్ సంగీతం అందించారు. ఈ పాటకి అద్భుతమైన స్పందన వస్తోంది.

రికార్డు వ్యూస్, లైక్స్ సొంతం చేసుకొంది. ఇప్పటి వరకు ఈ పాటకి 40వేల వ్యూస్, 7లక్షల లైకులు రావడం విశేషం. తెలుగులో ఒక సాంగ్ కు ఇన్ని లైక్స్ , వ్యూస్ రావడం ఇదే ప్రధమం. ఇక ఈ సినిమాలో పూజా హెగ్డే కథానాయికగా నటిస్తున్నారు. బాలీవుడ్ నటి టబు కీలక పాత్రలో కనిపించనున్నారు. యంగ్ హీరోలు నవదీప్, సుశాంత్ లకి కీలక పాత్రలు దక్కాయి. గీతా ఆర్ట్స్, హారిక & హాసినీ క్రియేషన్స్ సంయుక్తంగా నిర్మిస్తున్నాయి.