ప్రిన్స్ ఫ్యాన్స్ కాన్ఫిడెన్స్’ని దెబ్బతీస్తున్న సెంటిమెంట్స్ !

సినిమా వాళ్లకి సెంటిమెంట్స్ ఎక్కువని అంటుంటారు. అభిమానులకి కూడా సెంటిమెంట్స్ ఎక్కువే. ఇప్పుడు ఓ నాలుగు సెంటిమెంట్స్ సూపర్ స్టార్ మహేష్ బాబు అభిమానులని తెగ భయపెట్టేస్తున్నాయట. అనిల్ రావిపూడి దర్శకత్వంలో మహేష్ నటిస్తున్న చిత్రం ‘సరిలేరు నీకెవ్వరు’. రష్మిక మందన కథానాయిక. వచ్చే యేడాది సంక్రాంతి కానుకగా జనవరి 12న ప్రేక్షకుల ముందుకు రానుంది. ఐతే, ఈ సినిమా విషయంలో సెంటిమెంట్స్ ని తలచుకొని ప్రిన్స్ ఫ్యాన్స్ కంగారు పెడుతున్నారు.

ఇంతకీ ప్రిన్స్ ఫ్యాన్స్ ని భయపెడుతున్న ఆ నాలుగు సెంటిమెంట్స్ ఏంటో తెలుసా ? సరిలేరు మొదటి పాట పెద్దగా క్లిక్ కాలేదు. ఇక సరిలేరుకి పోటీగా వస్తున్న అల.. వైకుంఠపురంలో ఫస్ట్ సింగిల్ ‘సామజవరగమన’ సూపర్ హిట్టయింది. ఇక రెండో సెంటిమెంట్ నిర్మాత అనిల్ సుంకర్. ఆయన సొంత బ్యానర్ ఏకె ఎంటర్టైన్మెంట్స్’ని ఇప్పటి వరకు ఒక్క హిట్ కూడా లేదు. 

మూడో సెంటిమెంట్ నటుడు మురళీ శర్మ. ఆయన మంచి నటుడు. ఆయన నటించిన యంగ్ హీరోల సినిమాలు హిట్ అవుతున్నాయి. కానీ, స్టార్ హీరోల సినిమాలు డిజాస్టర్ అవుతున్నాయి. ఇందుకు అజ్ఞాతవాసి, అతిధి, సాహో సినిమాలే ఉదాహరణ. ఇక నాల్గో సెంటిమెంట్ ఫోటోగ్రాఫర్ రత్నవేలు. ఆయన మంచి టెక్నిషియన్. కానీ ఆయన పని చేసిన మహేష్ సినిమాలు వన్ నేనొక్కడినే, బ్రహ్మోత్సవం సినిమాలు ప్లాప్ అయ్యాయి. ఇప్పుడీ నాలుగు సెంటిమెంట్స్ ని తలచుకొని ప్రిన్స్ ఫ్యాన్స్ కంగారు పడుతున్నట్టు తెలుస్తోంది.