తమిళ్ ‘అర్జున్ రెడ్డి’ ట్రైలర్ చూశారా ?
టాలీవుడ్ లో ‘అర్జున్ రెడ్డి’ సినిమా సంచలన విజయాన్ని అందుకొంది. బాలీవుడ్ లో ‘కబీర్ సింగ్’ గా రిమేక్ అయి అక్కడ బ్లాక్ బస్టర్ హిట్ అయింది. ఇప్పుడీ ఈ సినిమా తమిళంలో ‘ఆదిత్య వర్మ’ పేరుతో రీమేక్‌ చేస్తున్న విషయం తెలిసిందే. చియాన్ విక్రమ్ కుమారుడు ధ్రువ్‌ కథానాయకుడిగా వెండితెరకు పరిచయమవుతున్నారు. గిరిసాయి దర్శకత్వం వహించారు. పనితా చంద్‌ కథానాయికగా తమిళ తెరకు పరిచయం కానున్నారు.
మంగళవారం ‘ఆదిత్య వర్మ’ ట్రైలర్‌ను విడుదల చేశారు. ఆదిత్యవర్మ పాత్రలో ధ్రువ్‌, మీరా పాత్రలో పనితా చంద్‌ ఈ సినిమాలో నటించారు. ట్రైలర్‌లో ధ్రువ్‌ నటన చాలా బాగుంది. విజయ్ దేవరకొండని డిట్టో ఫాలో అయినట్టు అనిపించింది. ట్రైలర్ ని కూడా అచ్చం అర్జున్ రెడ్డి ట్రైలర్ లా కట్ చేశారు. అర్జున్ రెడ్డి కథ మరోసారి హిట్ అవుతుందేమో చూడాలి.
