అది చూసి చెప్పొచ్చు

టాలీవుడ్ సంచలనం విజయ్ దేవరకొండ నిర్మాతగా మారిన సంగతి తెలిసిందే. హీరోగా తనకి తొలి హిట్ ఇచ్చిన దర్శకుడు తరుణ్ భాస్కర్ ని హీరోని చేస్తూ ‘మీకు మాత్రమే చెప్తా’ సినిమాని నిర్మించాడు. కాన్సెప్ట్ ప్రధానంగా రూపొందించిన ఈ చిన్ని సినిమా టీజర్, ట్రైలర్ ఆకట్టుకొన్నాయ్. ప్రమోషన్స్ లోనూ విజయ్ తనదైన మార్క్ చూపిస్తున్నాడు. మొత్తానికి సినిమాని జనాల్లోకి తీసుకెళ్లాడు.

చిన్ని సినిమా అయినా.. మంచి టాక్ వస్తే పెద్ద హిట్ అవుతున్నాయ్. మంచి కలెక్షన్స్ తెస్తున్నాయ్. పెళ్లి చూపులు సినిమా చిన్ని సినిమాగా వచ్చి పెద్ద విజయాన్ని నమోదు చేసిన సంగతి తెలిసిందే. ఇప్పుడు మీకు మాత్రమే చెప్తా కూడా అలాంటి హిట్ అవుతుందనే ఆశాభావంతో విజయ్ ఉన్నాడు. అంతేకాదు.. ఈ సినిమా విజయ్ నిర్మాతగా కొనసాగుతాడా ? లేదా ? అనే విషయాన్ని డిసైడ్ చేయనుంది. ఈ సినిమా హిట్ అయితే.. నిర్మాతగా విజయ్ మరిన్ని సినిమాలు చేయొచ్చు. లేదంటే.. తమ్ముడితో ప్లాన్ చేస్తున్న సినిమాని ఆఖరి సినిమా కావొచ్చేమో. కథల విషయంలో విజయ్ టేస్ట్ బాగుంటుంది. ఆ లెక్క మీకు మాత్రమే హిట్ అవుతుందేమో.