డిజిటల్ రిలీజ్ పై సంక్రాంతి సినిమాల కండీషన్స్

సినిమా థియేటర్స్ లో సందడి చేస్తుండగానే డిజిటల్ ఫ్లాట్ ఫామ్ లో రిలీజ్ అయితోంది. దీంతో హిట్ టాక్ తెచ్చుకొన్న సినిమాలకి, భారీ బడ్జెట్ సినిమాలకి నష్టం వాటిల్లితోంది. ఐతే, 2020 సంక్రాంతి సినిమాలు మాత్రం డిజిటల్ రిలీజ్ కి కండీషన్స్ పెట్టినట్టు తెలుస్తోంది. ఈ రెండు చిత్రాల డిజిటల్ హక్కులను అమెజాన్ ప్రైమ్ సొంతం చేసుకుంది. ఐతే, డిజిటల్ రిలీజ్ విషయంలో 60 రోజుల థియేట్రికల్ రన్ తరవాతే అనే కండీషన్ పెట్టారు. అంటే.. సినిమా రిలీజైన తర్వాత రెండునెలలకు సంక్రాంతి సినిమాలు అమెజాన్ ప్రైమ్ లో సందడి చేయబోతున్నాయి అన్నమాట.

త్రివిక్రమ్-అల్లు అర్జున్ కాంబోలో తెరకెక్కిన హ్యాట్రిక్ చిత్రం ‘అల.. వైకుంఠపురంలో’. పూజా హెగ్డే హీరోయిన్. ఈ ఫ్యామిలీ ఎంటర్ టైనర్ పై ప్రేక్షకుల్లో భారీ అంచనాలున్నాయి. ఇక, అనిల్ రావిపూడి దర్శకత్వంలో మహేష్ నటిస్తున్న చిత్రం సరిలేరు నీకెవ్వరు. రష్మిక మందన కథానాయిక. ఈ రెండు సినిమాలు సంక్రాంతి కానుకగా వచ్చే యేడాది జనవరి 12న ప్రేక్షకుల ముందుకు రానున్నాయి. ఒకేసారి థియేటర్స్ లోకి రావడమే కాదు.. ఒకేసారి అమెజాన్ ప్రైమ్ లోకి అందుబాటులోకి రానున్నాయి.