‘ఖైదీ’పై మహేష్ ప్రశంసలు
‘ఖైదీ’ని చూసి సూపర్ స్టార్ మహేష్ కూడా ఫిదా అయ్యారు. లోకేష్ కనరాజ్ దర్శకత్వంలో కార్తీ నటించిన చిత్రం ‘ఖైదీ’. కమర్షియల్ హంగులకి దూరంగా తెరకెక్కిన పక్కా మాస్ ఎంటర్ టైనర్‌ ఇది. సినిమాలో హీరోయిన్ లేదు. పాటల్లేవ్. అయినా.. సినిమా అదిరిపోయింది. గ్రిప్పింగ్ స్క్రీన్ ప్లే, అదిరిపోయే యాక్షన్ తో ప్రేక్షకులని థ్రిల్ చేస్తోంది.. ఈ సినిమా. ప్రేక్షకులు, సినీ స్టార్స్ ఖైదీపై ప్రశంసలు కురిపిస్తున్నారు. తాజాగా సూపర్ స్టార్ మహేష్ ‘ఖైదీ’పై ప్రశంసలు కురిపించారు.
“మంచి స్క్రిప్ట్‌తో రూపొందిన ఖైదీ థ్రిల్లింగ్ ఎక్స్‌పీరియెన్స్ ఇచ్చింది. సాంగ్స్ లేకుండా మీరు చేసిన ప్ర‌య‌త్నం బాగుంది. చిత్ర‌బృందానికి నా శుభాకాంక్ష‌లు” అంటూ మహేష్ ట్విట్ చేశారు. ఈ చిత్రంలో కార్తీ యావజ్జీవ శిక్ష పడిన ఖైదీగా క‌నిపించారు . తండ్రీకూతుళ్ల సెంటిమెంట్ ఈ సినిమాకి మ‌రో హైలైట్‌. సామ్ సీఎస్ సంగీతం అందించారు. డ్రీమ్ వారియర్స్ పిక్చర్స్, వివేకానంద పిక్చర్స్ సంయుక్తంగా నిర్మించారు. ఇప్పటికే ఖైదీ పెట్టిన పెట్టుబడిని తీసుకొచ్చాడు. ఇకపై వచ్చేవన్నీ లాభాలే.
Khaidi… new age filmmaking…thrilling action sequences and stellar performances in a gripping script… no songs!! A welcome change 🙂
Congratulations to the entire team @Karthi_Offl @itsNarain @sathyaDP @SamCSmusic @DreamWarriorpic and @Dir_Lokesh !! 👍👍👍👏👏👏— Mahesh Babu (@urstrulyMahesh) November 1, 2019
