పండగ సాంగ్ వచ్చేసింది.. !

మారుతి దర్శకత్వంలో సాయి తేజ్-రాశీ ఖన్నా జంటగా నటిస్తున్న చిత్రం ‘ప్రతిరోజూ పండగే’. డిసెంబర్ 20న సినిమా ప్రేక్షకుల ముందుకు రానుంది. తాజాగా ఈ సినిమా టైటిల్ సాంగ్ ని విడుదల చేసింది చిత్రబృందం. ఈ పాటకు కెకె లిరిక్స్ అందించారు. శ్రీక్రిష్ణ పాడారు. థమన్ సంగీతం అందించారు. ఈ పాటని టైటిల్ సాంగ్ అనడం కంటే తాత సాంగ్ అనాలి. ‘మెరిసాడె.. మెరిసాడే పసివాడై మెరిసాడే.. ‘ తాత సత్యరాజ్ గుణగుణాలను తెలిపే ప్రయత్నం చేశారు. ఫ్యామిలీ మొత్తం ఈ పాటలో మెరిసింది.

గ్రామీణ నేపథ్యంలో బంధాలు, అనుబంధాలు చుట్టూ అల్లుకున్న అందమైన కథ ఇది. దానికి తగ్గట్టుగానే టైటిల్ సాంగ్ లో ఫ్యామిలీ ఆప్యాయతలు కనిపించాయి. ఈ సినిమాలో తేజు కొత్తగా కనిపిస్తున్నాడు. తన తీరుకి భిన్నంగా, క్లాస్ గా కనిపిస్తున్నారు. పండగలాంటి ఈ ఫ్యామిలీ ఎంటర్ టైనర్ ని చూడాలంటే డిసెంబర్ 20 వరకు ఆగాల్సిందే.