పూజా హెగ్డే టార్గెట్ పవన్ ?
స్టార్ హీరోయిన్ పూజా హెగ్డే పవర్ స్టార్ పవన్ కల్యాణ్ ని టార్గెట్ చేసినట్టు కనబడుతోంది. పవన్ రీ ఎంట్రీ సినిమా ఖరారైన సంగతి తెలిసిందే. తెలుగు పింక్ రిమేక్ లో పవన్ నటించబోతున్నారు. ఈ చిత్రాన్ని బోనీ కపూర్ తో కలిసి దిల్ రాజు నిర్మించనున్నారు. ఈ సినిమా కోసం హీరోయిన్ గా నయనతార పేరు వినిపిస్తోంది. మరోవైపు, మరికొందరు హీరోయిన్స్ పవన్ సినిమా కోసం ప్రయత్నాలు చేస్తున్నారు. పూజా హెగ్డే బోనికపూర్ తో భేటీ కావడం వెనక పవన్ సినిమా ఆఫర్ కొట్టేయడమేననే ప్రచారం జరుగుతోంది.
పవన్ రీ-ఎంట్రీ ఖరారైన వెంటనే పూజా హెగ్డే వెళ్లి బోనీ కపూర్ ని కలిసింది. దానికి సంబంధించిన ఫోటోలు బయటికొచ్చాయ్. ఈ నేపథ్యంలో తెలుగు పింక్ లో ఆఫర్ కోసం పూజా ప్రయత్నాలు చేస్తోంది. ఆమె పవన్ ని టార్గెట్ చేసిందనే కామెంట్స్ వినిపిస్తున్నాయి. నిజంగానే పూజా పవన్ సినిమా కోసం బోనీ కపూర్ ని కలిసిందా ? లేదంటే మరో పని మీద ఆయన్ని కలిసిందా ?? అన్నది తెలియాల్సి ఉంది. ప్రస్తుతం పూజా తెలుగులో బిజీగా ఉంది. వరుసగా స్టార్ హీరోల సినిమాల్లో నటిస్తున్న సంగతి తెలిసిందే.
