త్రిష పంట పండింది !

ముదురు ముద్దుగుమ్మ త్రిష పంట పండినట్టు తెలుస్తోంది. ఆమె చిరంజీవి సరసన నటించే అవకాశం సొంతం చేసుకొన్నట్టు సమాచారమ్. చిరు152 చిత్రం కొరటాల శివ దర్శకత్వంలో తెరకెక్కుతోన్న సంగతి తెలిసిందే. ఈ సినిమా కోసం హీరోయిన్ గా త్రిష పేరు గట్టిగా వినిపించింది. అవన్నీ ఉత్తిత్తి ప్రచారమే అనుకొన్నారు. కానీ, ఇప్పుడీ ఈ ప్రచారం నిజం కాబోతుందని ఫిల్మ్ నగర్ సమాచారమ్. చిరు152 కోసం త్రిషని సంప్రదించిన మాట వాస్తవమే. ఆమె ఎంపిక దాదాపు ఖాయమైందని చెప్పుకొంటున్నారు.

చిరు – త్రిష ఇదివరకు స్టాలిన్ చిత్రంలో కలిసి నటించిన విషయం తెలిసిందే. ఇన్నాళ్లకి మరోసారి మెగాస్టార్ తో జతకట్టనుంది త్రిష. ఈ యేజ్ లో తమిళ్ లో బ్లాక్ బస్టర్ హిట్ అందుకుంటోంది త్రిష. గత యేడాది ఆమె నటించిన ’96’ చిత్రం బ్లాక్ బస్టర్ హిట్ అయింది. ఈ దశాబ్ధంలోనే వచ్చిన బెస్ట్ ప్రేమకథా చిత్రంగా కితాబు అందుకొంది. ఇప్పుడీ సినిమాని తెలుగులో శర్వానంద్-సమంత జంటగా తెరకెక్కుతోన్న సంగతి తెలిసిందే. ఇక చిరు152 కోసం త్రిషతో పాటు మరో హీరోయిన్ కి ఛాన్స్ ఉంది. ఆ అవకాశం యంగ్ హీరోయిన్ ఇషా రెబ్బాకి దక్కినట్టు ప్రచారం జరుగుతోంది. వీరి ఎంపికపై చిత్రబృందం నుంచి అధికారిక ప్రకటన రావాల్సి ఉంది.

ఇక చిరు 152 కోసం అద్భుతమైన కథని రెడీ చేశారట కొరటాల శివ. ఆయన మార్క్ సోషల్ మెసేజ్ తో ఉండనుంది. ఇందులో చిరు దేవాదాయశాఖ అధికారిగా కనిపించనున్నారు. బడా రాజకీయ నాయకుల అవినీతి భాగోతాన్ని బయపెట్టే పాత్ర అదని చెబుతున్నారు. ఈ చిత్రానికి అమిత్ త్రివేది సంగీతం అందించనున్నారు. వచ్చే యేడాది జనవరి నుంచి రెగ్యూలర్ షూటింగ్ ప్రారంభం కానుంది.