తిరుమల భక్తులకి బ్యాడ్ న్యూస్.. అద్దె గదుల రేట్లు పెరిగాయ్ !

భక్తులకి బ్యాడ్ న్యూస్ చెప్పింది టీటీడీ. అద్దె గదులను రూ.600 నుంచి రూ.1000కి పెంచుతూ నిర్ణయం తీసుకుంది. కౌస్తుభం, పాంచజన్యంలో రూ.500 నుంచి రూ.1000కి పెంచింది. పెంచిన ధరలను ఇవాళ్టి నుంచే తితిదే అమల్లోకి తీసుకొచ్చింది. 

తిరుమలలో భక్తుల కోసం రూ.50 నుంచి రూ.3వేల వరకు వసతి సదుపాయం ఉంది. ఐతే, భక్తులు అత్యధిక శాతం రూ.100 గదుల్లో ఉండేందుకు మొగ్గుచూపుతారు. రూ.100 వసతి గదులు చాలా తక్కువగా కేటాయించటంతో అవి దొరకని వారు రూ.500, రూ.600 వసతిని పొందేవారు. మధ్య, ఎగువ మధ్యతరగతికి ఇవి అందుబాటులో ఉండేవి. ఇప్పుడీ రేట్లని దాదాపు డబుల్ చేసింది టీటీడీ. తాజా ధరల పెంపుతో సామాన్య భక్తులకి మరింత భారం కానుంది.