చిత్తూరులో ఘోర రోడ్డు ప్రమాదం.. 12మంది మృతి !

చిత్తూరు జిల్లా బంగారుపాళ్యం మండలం చిత్తూరు-బెంగళూరు జాతీయ రహదారిపై మొగిలిఘాట్ వద్ద  ఘాట్ వద్ద ఘోర రోడ్డు ప్రమాదం జరిగింది. బ్రేకులు ఫెయిలైన కంటైనర్ ఆటో, ఓమ్ని వ్యాన్, ద్విచక్ర వాహనంపైకి దూసుకెళ్లింది. ఈ ఘటనలో 12 మంది అక్కడికక్కడే దుర్మరణం పాలయ్యారు. మృతుల్లో కంటైనర్ డ్రైవర్ ఉన్నట్లు సమాచారం.

మరికొంతమందికి తీవ్రగాయాలయ్యాయి. వీరిలో ముగ్గురి పరిస్థితి విషమంగా ఉందని తెలుస్తోంది. గాయపడిన వారిని పలమనేరు ఆస్పత్రికి తరలించి చికిత్స అందిస్తున్నారు. చీకటి పడటంతో తొలుత పోలీసులకు మృతదేహాల గుర్తింపు కష్టతరంగా మారింది. మృతుల్లో నలుగురు మహిళలు ఉండగా.. 8 మంది పురుషులుగా గుర్తించారు. ఈ ఘటనకి సంబంధించిన పూర్తి వివరాలు తెలియాల్సి ఉంది.