నరేష్ సినిమాకు మహేష్ అడ్డు

సూపర్ స్టార్ మహేష్ ని నమ్ముకొంటే అల్లరి నరేష్ కి ఒరిగిందేమీ లేదంటున్నారు. హీరోగా వరుస ప్లాపుల్లో ఉన్న నరేష్ మహేష్ ‘మహర్షి’ సినిమాలో కీలక పాత్రలో నటించిన సంగతి తెలిసిందే. మహర్షితో నరేష్ కు మంచి పేరే వచ్చింది. కానీ సినిమాలు మాత్రం రాలేదు. ఇలాంటి టైమ్ మళ్లీ తనదారిలోకి వెళ్లి ‘బంగారు బుల్లోడు’ సినిమా చేశాడు. 

ఈ సినిమా ఎకె ఎంటర్ టైన్ మెంట్స్ బ్యానర్ లో రెడీ అయిపోయింది. కొద్దిగా ప్యాచ్ వర్క్ మాత్రమే మిగిలింది. ఎకె ఎంటర్ టైన్ మెంట్స్ అధినేత అనిల్ సుంకర ‘సరిలేరు నీకెవ్వరూ’ సినిమాతో ఫుల్ బిజీ అయిపోయారు. ఈ నేపథ్యంలో సరిలేరు రిలీజ్ పూర్తయ్యే వరకు బంగారు బుల్లోడిని ఆయన పట్టించుకొనేలా లేడు. ఈ నేపథ్యంలో నరేష్ సినిమా జనవరి ఆఖరు లేదా ఫిబ్రవరికి వెళ్లే అవకాశాలు కనిపిస్తున్నాయి. అందుకే నరేష్ సినిమాకు మహేష్ అడ్డుగా ఉన్నారని ఫిల్మ్ నగర్ లో గుసగుసలు వినిపిస్తున్నాయ్.