షాకింగ్ : పవన్ ‘అజ్ఝాతవాసి’ కథ లీకు

దర్శకుడు త్రివిక్రమ్ పవర్ స్టార్ పవన్ కళ్యాణ్’ని ‘అజ్ఝాతవాసి’గా చూపించబోతున్న విషయం తెలిసిందే. వచ్చే యేడాది సంక్రాంతి కానుకగా జనవరి 10న ‘అజ్ఝాతవాసి’ ప్రేక్షకుల ముందుకు రానున్నాడు. జల్సా, అత్తారింటికి దారేది సినిమాల తర్వాత పవన్-త్రివిక్రమ్’ల కలయికలో రానున్న ఈ సినిమా కోసం ప్రేక్షకులు ఆసక్తిగా ఎదురుచూస్తున్నారు.

ఇప్పుడు ‘అజ్ఝాతవాసి’ కథ లీకైంది అంటూ జోరుగా ప్రచారం జరుగుతోంది. ‘అజ్ఝాతవాసి’ సినిమా కథ ఇదేనంటూ ఓ కథ సోషల్ మీడియాలో హల్ చల్ చేస్తోంది. ప్రచారం జరుగుతున్న ఆ కథ ప్రకారం.. “శ్రీమంతుడైన ఒక వ్యక్తికి ఇద్దరు భార్యలు. హఠాత్తుగా ఆయన చనిపోవడంతో, ఆయన ఆస్తిపాస్తులను సొంతం చేసుకోవడానికి ఒక ముఠా ప్లాన్ చేస్తుంది. అయితే, ఆ శ్రీమంతుడి మొదటి భార్యకి ఒక కొడుకుంటాడు. అతను ఎక్కడ ఉన్నాడనే విషయం ఎవరికీ తెలియదు. ఆయన కోసం సాగిన అన్వేషణ .. ఆయన వచ్చాక చోటుచేసుకునే పరిణామాలే అజ్ఝాతవాసి కథ” అంటున్నారు.

ఇదే స్టోరీతో హాలీవుడ్’లో ‘ది హెయిర్ అప్పారెంట్’ పేరుతో సినిమా వచ్చింది. బ్లాక్ బస్టర్ హిట్టయ్యింది. ఇప్పుడిదే క‌థ‌ను త్రివిక్ర‌మ్ తెలుగు నెటివిటీతో త‌న‌దైన స్టైల్లో మార్పులు చేసి తెరకెక్కిస్తున్నట్టు సమాచారమ్.