భద్రకాళి అమ్మవారిని దర్శించుకున్న నిఖిల్ 

విభిన్నమైన సినిమాలతో తనకంటూ ఓ ప్రత్యేక గుర్తింపు తెచ్చుకొన్నారు యంగ్ హీరో నిఖిల్. ఆయన తాజా చిత్రం ‘అర్జున్ సురవరం’. లావణ్య త్రిపాఠి కథానాయిక.  టి.సంతోష్‌ దర్శకత్వం వహించారు. ఠాగూర్ మధు, ఆకెళ్ళ రాజ్ కుమార్ నిర్మించిన ‘అర్జున్ సురవరం’ ఈ వారమే ప్రేక్షకుల ముందుకు రానుంది. ఈ నేపథ్యంలో నిఖిల్ సినిమా ప్రమోషన్స్ లో బిజీగా ఉన్నారు. ప్రస్తుతం వరంగల్ లో పర్యటిస్తున్నారు. ఈ సందర్భంగా నిఖిల్ వరంగల్‌లోని భద్రకాళి అమ్మవారిని దర్శించుకున్నారు. 

కొన్నాళ్లుగా నిఖిల్ ప్లాపుల్లో ఉన్నాడు. ఇప్పుడు నిఖిల్ ఆశలన్నీ ‘అర్జున్ సురవం’పైనే. ఈ సినిమాలో ఓ కీలకమైన సామాజిక సమస్యని డిస్కస్ చేసినట్లు తెలుస్తోంది. ఇందులో నిఖిల్‌.. అర్జున్‌ అనే పాత్రికేయుడిగా కనిపించనున్నారు. శ్యామ్‌ సీఎస్‌ సంగీతం అందిస్తున్నారు. ఇప్పటికే ఈ సినిమాని మెగాస్టార్ చిరంజీవి వీక్షించారు. సినిమా బాగుందని కితాబిచ్చారు. సినిమా ప్రీ రిలీజ్ ఫంక్షన్ కి ముఖ్య అతిథిగా వచ్చేందుకు అంగీకరించినట్టు తెలుస్తోంది.