మెగాస్టార్ ఇంట్లో తారల సందడి !
మెగాస్టార్ చిరంజీవి ఇంట్లో శని, ఆదివారాల్లో పండగజరిగింది. 80వ దశకంలో వరుస సినిమాలతో ప్రేక్షకులను అలరించిన సినీ తారలు ప్రతి ఏటా ఏదో ఒక చోట కలిసి సందడి చేస్తారన్న సంగతి తెలిసిందే. ఈసారి ఈ వేడుకలకు మెగాస్టార్ చిరంజీవి ఇల్లు వేదికైంది. శనివారం, ఆదివారం రెండు రోజుల పాటు జరిగిన ఈ వేడుకల్లో80ల నాటి తెలుగు, తమిళ, మలయాళ, హిందీ నటులు ఒక చోట కలిసి సందడి చేశారు. దానికి సంబంధించిన ఫోటోలు సోషల్ మీడియాలో వైరల్ అవుతున్నాయి.
ఈ వేడుకల్లో మెగాస్టార్ చిరంజీవి హోస్ట్ గా వ్యవహరించినట్టు తెలుస్తోంది. స్కిట్‌లు, ర్యాంప్‌ వాక్‌లు, విచిత్ర వేషధారణలతో సందడి చేశారు. చిరంజీవి, మోహన్‌లాల్‌, రజనీకాంత్‌, వెంకటేశ్‌, భాను చందర్‌, నరేష్‌, సురేష్‌, జయసుధ, రాధిక, నదియా, రమ్యకృష్ణ, శోభన, సుహాసిని, రేవతి, సుమలత, రాధ, లిజి, పూర్ణిమ, భాగ్యరాజ్‌, జాకీ ష్రాఫ్‌, రెహమాన్‌, ప్రభు తదితరులు పాల్గొన్నారు.
