’96’ తెలుగు రిలీజ్ డేట్ ఫిక్స్ !
గత యేడాది ప్రేక్షకుల ముందుకొచ్చిన తమిళ చిత్రం ’96’ బ్లాక్ బస్టర్ హిట్ గా నిలిచిన సంగతి తెలిసిందే. విజయ్ సేతుపతి-త్రిషగా నటించిన ఈ సినిమా ఈ దశాబ్ధకాలంలో వచ్చిన బెస్ట్ ప్రేమకథా చిత్రంగా చెప్పుకొన్నారు. ఇప్పుడీ సినిమా శర్వానంద్-సమంత జంటగా తెలుగులో రిమేక్ అవుతున్న సంగతి తెలిసిందే. మాతృక దర్శకుడు ప్రేమ్ కుమార్ దర్శకత్వం వహించారు.
సినిమా షూటింగ్ దాదాపు పూర్తయింది. ప్రస్తుతం ప్యాచ్ వర్క్ జరుగుతోంది. 96 తెలుగుని ప్రేమికుల రోజు కానుకగా వచ్చే యేడాది ఫిబ్రవరి 14న రిలీజ్ చేద్దామని భావించారు. కానీ, ఆ రోజున విజయ్ దేవరకొండ ‘వరల్డ్ ఫేమస్ లవ్వర్’ రిలీజ్ కానుంది. ఈ నేపథ్యంలో ఫిబ్రవరి 7న ’96 తెలుగు’ రిలీజ్ చేయబోతున్నట్టు సమాచారమ్. దీనిపై చిత్రబృందం నుంచి అధికారిక ప్రకటన రావాల్సి ఉంది.
