మహేష్ సినిమా కోసం యంగ్ హీరో కసరత్తులు చూశారా ?
సూపర్ స్టార్ మహేష్ సినిమా కోసం యంగ్ హీరో కండల పెంచుతుండటం హాట్ టాపిక్ గా మారింది. ఆ యంగ్ హీరో అడవిశేష్. విభిన్నమైన సినిమాలతో ప్రేక్షకులని ఆకట్టుకొన్నాడు శేష్. క్షణం, గూఢాచారి, ఎవరు సినిమాలతో విజయాలు అందుకొన్నాడు. ఈ సినిమా కోసం రచనా సహాకారం కూడా చేశారు. ఇటు హీరోగా, అటు రచయితగా విజయాలు అందుకొంటున్నాడు.
శేష్ తాజా చిత్రం ‘మేజర్’. ఈ చిత్రానికి శశి కిరణ్ తిక్క దర్శకత్వం వహిస్తున్నారు. 2008లో ముంబైలో జరిగిన టెర్రర్ అటాక్ లో ప్రాణాలు కోల్పోయిన ఆర్మీ కమాండర్ సందీప్ ఉన్నికృష్ణన్ జీవితం ఆధారంగా ఈ మేజర్ చిత్రం తెరకెక్కుతుంది. ఈ సినిమాకు సూపర్ స్టార్ మహేష్ నిర్మాతగా వ్యవహరిస్తున్న సంగతి తెలిసిందే. ఇప్పటికే ఈ సినిమా నుంచి ఫస్ట్ లుక్ వచ్చేసింది. మేజర్ లుక్ లో అడవిశేష్ విడుదల చేశారు. ఈ సినిమా కోసం భారీ కండ‌లు పెంచే ప‌నిలో ఉన్నారు అడ‌వి శేషు. జిమ్‌లో భారీ కసరత్తులు చేస్తూ, బాడీని పెంచే ప్ర‌య‌త్నం చేస్తున్నాడు. దానికి సంబంధించిన జిమ్ వీడియో ఒక‌టి సోష‌ల్ మీడియాలో షేర్ చేశాడు.
