ఎన్టీఆర్ కోసం బిగ్ (బాస్) ప్లాన్ ! 

బిగ్ బాస్ షోని తెలుగు ప్రేక్షకులకి కనెక్ట్ చేసిన ఘనత యంగ్ టైగర్ ఎన్టీఆర్ దే. ఆయన హోస్ట్ గా వ్యవహరించిన ‘బిగ్ బాస్ సీజన్-1’ సూపర్ హిట్ అయిన సంగతి తెలిసిందే. తనదైన శైలిలో షోని రక్తికట్టించాడు తారక్. శని, ఆదివారాలు బిగ్ బాస్ షో వస్తుందంటే.. ప్రతి ఇంట్లో ఓ పండగలా ఉండేది. ఇక బిగ్ బాస్ సీజన్ 2 కోసం నేచురల్ స్టార్ నాని హోస్ట్ గా వ్యవహరించారు. ఐతే, సీజన్-1తో పోలిస్తే సీజన్ 2 చప్పగా అనిపించింది. నాగ్ హోస్ట్ గా వ్యవహరించిన సీజన్ 3 కూడా సీజన్-1ని అందుకోలేకపోయింది.

ఈ నేపథ్యంలో బిగ్ బాస్ సీజన్-4 కోసం మళ్లీ యంగ్ టైగర్ ఎన్టీఆర్ ని హోస్ట్ గా తీసుకొచ్చేందుకు బిగ్ బాస్ యాజమాన్యం ప్లాన్ చేసినట్టు సమాచారమ్. వాస్తవానికి బిగ్ బాస్ సీజన్-3 హోస్ట్ గా చేయడానికి తారక్ కూడా ఆసక్తి చూపారు. ఐతే, దాని వలన ‘ఆర్ఆర్ఆర్’ సినిమా షూటింగ్స్ ఆటంకం కలుగుతుందని చేయలేదు. ఐతే, సీజన్ 4 వరకు ‘ఆర్ఆర్ఆర్’ షూటింగ్ పూర్తికానున్న నేపథ్యంలో బిగ్ బాస్ సీజన్ 4 కోసం ఎన్టీఆర్ ని తీసుకురావాలనే ప్లాన్ లో బిగ్ బాస్ యాజమాన్యం ఉన్నట్టు తెలుస్తోంది.

మరీ.. మరోసారి బిగ్ బాస్ కోసం తారక్ ఓకే చెబుతాడా.. ? లేదంటే ఆర్ ఆర్ ఆర్ పూర్తయిన వెంటనే త్రివిక్రమ్ దర్శకత్వంలో తెరకెక్కనున్న ప్యాన్ ఇండియా సినిమాతో బిజీ అవుతారా.. ? అన్నది వేచి చూడాలి. ఇక రాజమౌళి దర్శకత్వంలో ఎన్ టీఆర్, రామ్ చరణ్ కథానాయిలుగా నటిస్తున్న ఆర్ ఆర్ ఆర్ మల్టీస్టారర్ షూటింగ్ దాదాపు పూర్తికావొస్తోంది. వచ్చే యేడాది జులై 30న ఆర్ఆర్ఆర్ ప్రేక్షకుల ముందుకు రానుంది.