అల.. పవర్ ఫుల్ సప్రైజ్ !
త్రివిక్రమ్-అల్లు అర్జున్ కాంబోలో తెరకెక్కుతోన్న హ్యాట్రిక్ చిత్రం ‘అల.. వైకుంఠపురంలో’. ఈ సినిమా కోసం పవర్ ఫుల్ సప్రైజ్ ని ప్లాన్ చేశాడట త్రివిక్రమ్. అల.. కోసం పవర్ స్టార్ పవన్ కల్యాణ్ ని తీసుకొస్తున్నాడట. అలాగని.. అలలో పవన్ కనిపించడు. వినిపిస్తాడు. అవునూ.. త్వరలోనే రాబోతున్న అల.. టీజర్ ని పవన్ వాయిస్ ఓవర్ తో తీసుకురాబోతున్నట్టు సమాచారమ్.
పవన్ కి త్రివిక్రమ్ ప్రాణస్నేహితుడు అన్న సంగతి తెలిసిందే. దీంతో అల.. కోసం త్రివిక్రమ్ అడగగానే పవన్ ఓకే చెప్పారట. పవన్ వాయిస్ ఓవర్ టీజర్ కే పరిమితం చేస్తారా.. ? సినిమాలోనూ పవన్ గొంతు విపించబోతున్నారా ? అన్నది తెలియాల్సి ఉంది. మెగాస్టార్ చిరంజీవి ‘సైరా’ సినిమా కోసం పవన్ గొంతు వినిపించిన సంగతి తెలిసిందే. అది సినిమాకు బాగా హెల్ప్ అయింది.
ఇప్పుడు అల.. కోసం పవన్ హెల్ప్ తీసుకోబుతున్నాడు త్రివిక్రమ్. దీంతో ఇన్నాళ్లు పవన్ ఫ్యాన్స్, అల్లు అర్జున్ కి ఉన్న విబేధాలు కూడా సమసిపోతాయన్నది త్రివిక్రమ్ ప్లాన్ లా కనిపిస్తుంది. ఇక పవన్ రీ ఎంట్రీ ఖరారైన సంగతి తెలిసిందే. పింక్ తెలుగు రిమేక్ తో పవన్ రీఎంట్రీ ఇవ్వనున్నారు. ఈ చిత్రానికి యువ దర్శకుడు వేణు శ్రీరామ్ దర్శకత్వం వహిస్తారు. బోనీకపూర్ తో కలిసి దిల్ రాజు నిర్మించనున్నారు. వచ్చే యేడాది జనవరిలో పింక్ రెగ్యూలర్ షూటింగ్ మొదలు కానుందని సమాచారమ్.
