‘వెంకీమామ’ సెన్సార్ రివ్యూ
విక్టరీ వెంకటేష్ ఆయన మేనల్లుడు నాగ చైతన్యతో కలిసి నటించిన చిత్రం ‘వెంకీమామ’. పాయల్ రాజ్ పుత్, రాశీఖన్నా కథానాయికలు. కెయస్. రవీంద్ర (బాబీ) దర్శకత్వం వహించారు. తాజాగా ఈ సినిమా సెన్సార్ కార్యక్రమాలని పూర్తి చేసుకొంది. ‘యు/ఎ’ సర్టిఫికెట్ పొందింది. దీంతో ఈ నెల 13న వెంకీమామ రిలీజ్ కి లైన్ క్లియర్ అయినట్టయింది.
వెంకీమామపై సెన్సార్ సభ్యులు ప్రశంసలు గుప్పించినట్టు తెలుస్తోంది. ఇటీవల ప్రెస్ మీట్ లో సురేష్ బాబు చెప్పినట్టు నవరసాలతో కూడిన అచ్చ తెలుగు సినిమాలా వెంకీమామ ఉన్నారట. తొలిభాగం వినోదాత్మకంగా సాగిన కథ.. ద్వితీయార్థంలో మాత్రం ఎమోషన్స్ టచ్ చేసిందట. వెంకీ-పాయల్ లవ్ ట్రాక్, రాశీఖన్నా టిక్ టాక్ పిచ్చి తెగ నవ్వుని తెప్పిస్తాయని సెన్సార్ సభ్యుల టాక్. మొత్తానికి.. రిలీజ్ కి ముందే వెంకీమామపై పాజిటివ్ టాక్ నడుస్తుంది.
ఈ యేడాది ఎఫ్2తో నవ్వులు పంచాడు వెంకీ. అనిల్ రావిపూడి దర్శకత్వంలో వెంకీ-వరుణ్ తేజ్ మల్టీస్టారర్ గా వచ్చిన ఎఫ్2.. అసలు సిసలు సంక్రాంతి సినిమా అనిపించుకొంది. అత్యధిక లాభాలు తెచ్చిపెట్టిన తెలుగు సినిమాగా రికార్డులు సృష్టించింది. ఇక వెంకీమామ కూడా ఎఫ్ 2 తరహా వినోదాత్మకంగా ఉంటుంది ఓ ఇంటర్వ్యూలో వెంకీ చెప్పిన సంగతి తెలిసిందే.
