చైతూతోనే పరశురామ్ ఫిక్స్ !

‘గీత గోవిందం’తో రూ.100కోట్ల సినిమాని అందించాడు దర్శకుడు పరశురామ్. అయినా.. యేడాది కాలంగా ఖాళీగా ఉండటం ఆశ్చర్యాన్ని కలిగించింది. వాస్తవానికి గీత గోవిందం తర్వాత పరశురామ్ నాగ చైతన్యతో సినిమా చేయాల్సి ఉంది. కానీ, ‘గీత గోవిందం’ తెచ్చిన క్రేజ్ తో పరశురామ్ కి పెద్ద కోరికలు కలిగాయి. సూపర్ స్టార్ మహేష్ బాబు లాంటి స్టార్ హీరోలతో సినిమాలు చేద్దామని ప్రయత్నించి.. విఫలమయ్యాడు. ఫైనల్ గా తిరిగి చైతూ వద్దకే వచ్చాడు.

తాజాగా పరశురామ్ దర్శకత్వంలో నాగ చైతన్య సినిమా ఖరారైంది. ఈ చిత్రాన్ని 14 రీల్స్ ప్లస్ బ్యానర్‌పై రామ్ ఆచంట, గోపీ ఆచంట ఈ సినిమాను నిర్మిస్తున్నారు. ప్రస్తుతం శేఖర్ కమ్ముల దర్శకత్వంలో చైతూ ఓ సినిమా చేస్తున్నారు. ఇందులో సాయిపల్లవి కథానాయికగా నటిస్తున్నారు. ఈ సినిమా తర్వాత పరశురామ్ దర్శకత్వంలో చైతూ సినిమా ప్రారంభం కానుంది. ఇది కూడా గీత గోవిందం మాదిరిగా మంచి ఫ్యామిలీ ఎంటర్ టైనర్ గా తెరకెక్కనుందై చెబుతున్నారు.