సరిలేరు ప్రీ-రిలీజ్ ఫంక్షన్ డేటు ఫిక్స్ 

సూపర్ స్టార్ మహేష్ బాబు వచ్చే యేడాది సంక్రాంతి బరిలోకి దిగబోతున్న సంగతి తెలిసిందే. అనిల్ రావిపూడి దర్శకత్వంలో ఆయన నటిస్తున్న చిత్రం ‘సరిలేరు నీకెవ్వరు’. వచ్చే యేడాది సంక్రాంతి కానుకగా జనవరి 11న ప్రేక్షకుల ముందుకు రానుంది. ఈ నేపథ్యంలో సరిలేరు ప్రమోషన్స్ ని స్పీడు పెంచింది చిత్రబృందం.

ఇప్పటికే టీజర్ ని రిలీజ్ చేశారు. ప్రతి సోమవారం ఓ పాటని వదులుతున్నారు. ఇందులో భాగంగా రేపు #HeIsSoCute సాంగ్ ని రిలీజ్ చేయనున్నారు. ఇక ఈ సినిమా ప్రీ-రిలీజ్ ఫంక్షన్ కి ముహూర్తం ఫిక్స్ చేశారు. జనవరి 5న హైదరాబాద్ లోని ఎల్భీనగర్ లో సరిలేరు ప్రీ రిలీజ్ ఫంక్షన్ జరగనుంది. ఈ విషయాన్ని తెలియజేస్తూ.. చిత్రబృందం ఓ పోస్టర్ ని వదిలింది. ఈ వేడుకకి యంగ్ టైగర్ ఎన్టీఆర్ ముఖ్య అతిథిగా హాజరవుతారని తెలుస్తోంది.

ఈ చిత్రంలో మహేష్ మేజర్ అజయ్ కృష్ణ పాత్రలో కనిపించనున్నారు. ఆయన జోడిగా రష్మిక మందన నటిస్తున్నారు. లేడీ సూపర్ స్టార్ విజయశాంతి కీలక పాత్రలో నటిస్తున్నారు. దాదాపు 13యేళ్ల తర్వాత ఆమె నటిస్తున్న చిత్రమిది. ఈ చిత్రానికి దేవిశ్రీ ప్రసాద్ సంగీతం అందిస్తున్నారు.