అప్పుడే..  మహేష్, బన్నీ ఫ్యాన్స్ కొట్లాట !

టాలీవుడ్ స్టార్స్ మహేష్ బాబు, అల్లు అర్జున్ సంక్రాంతి ఫైట్ కి రెడీ అవుతున్న సంగతి తెలిసిందే. మహేశ్ ‘సరిలేరు నీకెవ్వరు’, బన్నీ ‘అల.. వైకుంఠపురంలో’ ఒక్కరోజు గ్యాప్ తో థియేటర్స్ లోకి రానున్నాయి. ఈ నేపథ్యంలో మహేష్, బన్నీ ఫ్యాన్స్ అప్పుడే రచ్చ రచ్చ చేస్తున్నారు. వైజాగ్‌లోని సంగం థియేటర్ వద్ద మహేష్ బాబు, అల్లు అర్జున్ ఫ్యాన్స్ రచ్చ రచ్చ చేశారు. ఒకరి సినిమా బ్యానర్లను మరొకరు చించుతూ సినీ వర్గాల్లో సంక్రాంతి వార్‌ని హాట్ టాపిక్ చేసేశారు.

ముందుగా మహేష్ ఫ్యాన్స్ ‘సరిలేరు నీకెవ్వరు’ బ్యానర్ కట్టారు. అయితే దానిపై ఆ సినిమా టీజర్‌లో ప్రకాష్ రాజ్ చెప్పిన డైలాగ్..”అన్ని సంక్రాంతులకు అల్లుల్లోస్తారు. కానీ ఈ సంక్రాంతికి మొగుడొస్తునాడు” ముద్రించారు. ఈ పోస్టర్ చించేసిన బన్నీ ఫ్యాన్స్ ‘అల.. వైకుంఠపురములో’ పోస్టర్‌పై ”ఈ సంక్రాంతికి వచ్చేది మొగుడు కాదు మగాడు” అంటూ క్యాప్షన్ పెట్టేశారు. సాయంత్రాని.. ఈ రెండు పోస్టర్స్ కనబడలేదు. మహేష్, బన్నీ మంచి మిత్రులు. వారికి లేని ఇగో అభిమానులకి ఎందుకో అర్థంకావడం లేదని నెటిజన్స్ కామెంట్స్ చేస్తున్నారు.