‘వెంకీమామపై’ మహేష్ ప్రశంసలు

మామ-అల్లుళ్లు థియేటర్స్ లో సందడి చేస్తున్న సంగతి తెలిసిందే. విక్టరీ వెంకటేష్, ఆయన మేనల్లుడు కలిసి నటించిన చిత్రం ‘వెంకీమామ’. కె.యస్ రవీంద్ర (బాబీ) దర్శకత్వం వహించారు. గత శుక్రవారం ప్రేక్షకుల ముందుకొచ్చిన ‘వెంకీమామ’ హిట్ టాక్ తెచ్చుకొంది. మామ-అల్లుళ్ల సందడిని ప్రేక్షకులు ఎంజాయ్ చేస్తున్నారు.

తాజాగా సూపర్ స్టార్ మహేష్ బాబు ‘వెంకీమామ’ని చూశారు. ట్విట్టర్ వేదికగా వెంకీమామపై ప్రశంసలు కురిపించారు. “వెంకీమామ కంప్లీట్ ఎంటర్ టైనర్. ప్రతి సన్నివేశాన్ని ఎంజాయ్ చేశా. తెరపై వెంకీ, చైతూల మామ-అల్లుళ్ల కెమిస్ట్రీ అద్భుతంగా కుదిరింది. ఎమోషన్స్, కామెడీ, ఫ్యామిలీ ఎమోషన్స్ బాగా పండాయి. చిత్రబృందానికి శుభాకాంక్షలు” అంటూ మహేష్ రాసుకొచ్చారు. 

ఇక హిట్ టాక్ తో వెంకీమామ బాక్సాఫీస్ దగ్గర మంచి వసూళ్లని రాబడుతోంది. నాలుగు రోజుల్లోనే దాదాపు రూ. 20కోట్ల షేర్ ని రాబట్టినట్టు ట్రేడ్ వర్గాలు చెబుతున్నాయి. ఈ సినిమాలో వెంకీకి జంటగా పాయల్ రాజ్ పుత్, చైతూకి జంటగా రాశీఖన్నా నటించారు. థమన్ సంగీతం అందించారు. 

#VenkyMama is a thorough entertainer. Really enjoyed every bit of it. #Venkatesh garu and @chay_akkineni light up the screen with their Mama-Alludu chemistry 👌 A perfect blend of emotions, comedy and family values. Congratulations to the entire team 👍😊

— Mahesh Babu (@urstrulyMahesh) December 17, 2019