కాజల్’కి అరుదైన గౌరవం. సౌత్’లోనే తొలిసారి !

స్టార్ హీరోయిన్ కాజల్ అరుదైన ఘనతని సొంతం చేసుకొంది. ప్రపంచ ప్రఖ్యాత మేడమ్ టుస్సాడ్స్ మ్యూజియంలో కాజల్ మైనపు బొమ్మ కొలువుదీరనుంది. దీనికోసం తాజాగా టుస్సాడ్స్ ప్రతినిధులు కాజల్ ని కలిసి ఆమె కొలతలు తీసుకున్నారు.

దానికి సంబంధించిన ఫోటోలు ప్రస్తుతం సోషల్ మీడియాలో వైరల్ అవుతున్నాయి. ఇప్పటివరకు దక్షిణాది నుంచి ఏ హీరోయిన్ మైనపు బొమ్మ సింగపూర్ టుస్సాడ్స్ మ్యూజియంలో కొలువుదీరలేదు. ఆ ఘటనని అందుకుంటున్న తొలి సౌత్ హీరోయిన్ కాజల్ నే.

కాజల్ 2004లో బాలీవుడ్ లోకి ఎంట్రీ ఇచ్చింది. ‘Kyun! Ho Gaya Na’ సినిమాలో హీరోయిన్ గా నటించింది. ఇక తెలుగులో కల్యాణ్ రామ్ ‘లక్ష్మీ కల్యాణం’ (2007) ఆమె తొలి చిత్రం. చందమామ, మగధీర సినిమాలతో స్టార్ హీరోయిన్ గా ఎదిగింది.

టాలీవుడ్, కోలీవుడ్ స్టార్ హీరోలతో జకట్టింది. బాలీవుడ్ లోనూ పలు సినిమాల్లో నటించింది. ఈ వయసులోనూ స్టార్ హీరోలతో నటిస్తూనే యంగ్ హీరోలతోనూ రొమాన్స్ చేస్తోంది. ప్రస్తుతం శంకర్ దర్శకత్వంలో తెరకెక్కుతోన్న కమల్ హాసన్ ‘భారతీయుడు2’ సినిమాలో నటిస్తున్నారు. మరోవైపు, ఐటమ్ సాంగ్స్ లో మెరుస్తోంది.