మహేష్’కు మెగాస్టార్, బన్నీకి పవర్ స్టార్ !
సంక్రాంతి సినిమాలు అల.. వైకుంఠపురంలో, సరిలేరు నీకెవ్వరు సినిమాల మధ్య విపరీతమైన పోటీ ఉన్నట్టు అనిపిస్తోంది. ప్రమోషన్స్ నుంచి ఆ హీటు కనిపిస్తోంది. ఇక రిలీజ్ తర్వాత పోటీ ఓ రేంజ్ లో ఉండంటం ఖాయమని చెబుతున్నారు. ప్రీ రిలీజ్ ఫంక్షన్స్ విషయంలోనూ ఈ రెండు సినిమాలని పోల్చీ చూస్తున్నారు.
మునుపెన్నడూ లేని విధంగా సరిలేరు ప్రీ రిలీజ్ పంక్షన్ ని గ్రాండ్ గా నిర్వహించాలని మహేష్ నిర్మాతలకి చెప్పినట్టు తెలుస్తోంది. ఈ నేపథ్యంలో ఈ ఫంక్షన్ కి మెగాస్టార్ చిరంజీవిని తీసుకొస్తున్నారు. పోటీలో బన్నీ సినిమా ఉండగా.. మహేష్ సినిమాకి మెగాస్టార్ చీఫ్ గెస్ట్ గా వెళ్లడం ఆశ్చర్యాన్ని కలిగించే విషయమే. పోటీ అభిమానుల మధ్యే.. హీరోల మధ్య కాదని రుజువు చేశారు మెగాస్టార్.
మరోవైపు, అల.. వైకుంఠపురంలో సినిమా ప్రీ రిలీజ్ ఫంక్షన్ కి పవర్ స్టార్ పవన్ కల్యాణ్ ముఖ్య అతిథిగా రాబోతున్నట్టు తెలుస్తోంది. పవన్ కి త్రివిక్రమ్ సన్నిహితుడు. ప్రాణ స్నేహితుడు అన్న సంగతి తెలిసిందే. త్రివిక్రమ్ పిలవగానే అల.. ప్రీ రిలీజ్ ఈవెంట్ కి వచ్చేందుకు పవన్ ఓకే చెప్పారట. దీంతో మహేష్ కు చిరు సపోర్ట్, బన్నీకి పవన్ సపోర్టు చేస్తున్నారనే విషయం క్లారిటీ వచ్చింది.
రాజకీయంగానూ ఇటీవల కాలంలో చిరు, పవన్ ల మధ్య విభేదాలు ఉన్నట్టు పరిస్థితులని చూస్తే అర్థమవుతోంది. జనసేన అధినేతగా సీఎం జగన్ ప్రభుత్వంపై పవన్ పోరాడుతుంటే.. సీఎం జగన్ నిర్ణయాలని చిరు ప్రశంసిస్తున్నారు. ఈ నేపథ్యంలో మెగా బ్రదర్స్ మధ్య విబేధాలు అనే ప్రచారం జరుగుతోంది. ఈ నేపథ్యంలో చిరు మహేశ్ సినిమాకి, పవన్ బన్నీ సినిమాకి ముఖ్య అతిథులుగా వెళ్లడం ప్రాధాన్యతని సంతరించుకుంది.
