మరోసారి పోకిరి కాంబో
రామ్ ‘దేవదాసు’ సినిమాతో తెలుగు తెరకు పరిచయం అయింది ఇలియానా. సూపర్ స్టార్ మహేష్ బాబుతో కలిసి నటించిన ‘పోకిరి’ సినిమాతో స్టార్ హీరోయిన్ లిస్టులో చేరిపోయింది. ఆ తర్వాత టాలీవుడ్ లోని స్టార్ హీరోలందరితోనూ ఆడిపాడింది. ఈ క్రమంలో తెలుగులో తొలి కోటి అందుకున్న కథానాయికగా రికార్డ్ సృష్టించింది. ఇక్కడ మంచి డిమాండ్ ఉండగానే బాలీవుడ్ చెక్కేసింది.
అక్కడ అవకాలు తగ్గాక.. మళ్లీ టాలీవుడ్ లోకి రావాలని ప్రయత్నాలు చేసింది. అమర్ అక్భర్ ఆంథోనితో టాలీవుడ్ లోకి రీ ఎంట్రీ ఇచ్చింది. ఐతే, ఆ సినిమా ప్లాప్ తో ఇల్లీకి మరో అవకాశం రాలేదు. ఐతే. లెటెస్ట్ న్యూస్ ఏంటంటే.. ? మహేష్ బాబుతో ఇలియానా మరోసారి జతకట్టబోతుందట. ప్రస్తుతం మహేష్ సరిలేరు సినిమా పనుల్లో బిజీగా ఉన్నారు. అవి పూర్తవ్వగానే.. వంశీపైడిపల్లి దర్శకత్వంలో ఓ సినిమా చేయనున్నాడు. ఈ సినిమాలో మహేష్ గ్యాంగ్ స్టర్ గా కనిపించబోతున్నట్టు తెలుస్తోంది.
ఈ చిత్రంలో ఓ కీలక పాత్రలో కోసం ఇల్లీని తీసుకున్నట్టు తెలుస్తోంది. ఆమె సినిమాలో హీరోయిన్ కాకపోయినా కథని మలుపు తిప్పే పాత్రలో కనిపిస్తారట. దిమ్మ తిరిగి మైండ్ బ్లాక్ అయ్యే ట్విస్ట్ ఇచ్చే పాత్రలో అన్నమాట. మరీ.. నిజంగానే మహేష్ ఇల్లీ మరోసారి తెరను పంచుకోనుందా ? తెలియాలంటే.. కొద్దిరోజులు ఓపిక పట్టాల్సిందే.
