అల.. సెన్సార్ పూర్తి !

సంక్రాంతి పుంజులు సెన్సార్ కార్యక్రమాలని పూర్తి చేసుకుంటున్నాయి. ఇప్పటికే సూపర్ స్టార్ మహేష్ బాబు ‘సరిలేరు నీకెవ్వరు’ సెన్సార్ కార్యక్రమాలని పూర్తి చేసుకున్న సంగతి తెలిసిందే. యు/ఎ సర్టిఫికెట్ ని పొందింది. తాజాగా మరో సంక్రాంతి సినిమా అల.. వైకుంఠపురంలో సెన్సార్ కార్యక్రమాలని పూర్తి చేసుకొంది. యు/ఎ సర్టిఫికెట్ పొందింది. దీంతో.. ఈ నెల 12న అల… రిలీజ్ కి లైన్ క్లియర్ అయినట్టయింది. సెన్సార్ పూర్తయినట్టు తెలుపుతూ అల.. చిత్రబృందం ఓ పోస్టర్ ని వదిలింది.

ఈ పోస్టర్ ని వైవిధ్యంగా డిజైన్ చేశారు. సెన్సార్ రిపోర్ట్ యు/ఎ ని రిఫ్లెక్ట్ చేసేలా ఓ వైపు బన్నీ ఫ్యామిలీ పర్సన్ మరో వైపు.. ఎ యూత్ పర్సన్ గా చూపించింది. అంతేకాదు.. సినిమా అద్భుతంగా ఉందని సినిమా చూసిన సెన్సార్ సభ్యులు చెప్పినట్టు సమాచారమ్. తెలుగులో వచ్చిన మరో ఆణిముత్యంగా అల.. నిలిచిపోతుందని చెప్పినట్టు తెలుస్తోంది. ఈ చిత్రంలో బన్నీకి జంటగా పూజా హెగ్డే నటించింది. థమన్ సంగీతం అందించారు.