రాజుగారికి ఈ బూతు సినిమా అవసరమా ?
ఎంఎస్ రాజు.. నిర్మాతగా గొప్ప పేరు తెచ్చుకున్నారు. మనసంతా నువ్వే, ఒక్కడు, వర్షం, నువ్వొస్తానంటే నేనొద్దంటానా లాంటి క్లాస్ సినిమాలు తీశాడు. అలాంటి ఎంఎస్ రాజు దర్శకుడుగా మారాడు అంటే.. ఆయన నుంచి ఓ ఆణిముత్యం లాంటి సినిమా వస్తుందని అనుకొన్నారంతా. కానీ, ఆయన నేటి యువ దర్శకుల ఫార్ములాని ఎంచుకున్నారు. ‘డర్టీ హరి’ టైటిల్ తో సినిమా చేస్తున్నారు.
టైటిల్ లో డర్టీ ఉన్నా.. సినిమా అందంగా మరియు కవితాత్మకంగా యువ ప్రేక్షకులను ఆకర్షించేలా ఉంటుందని ఎంఎస్ రాజు తెలిపారు. ఐతే, ఈరోజు విడుదలైన డర్టీ హరి ఫస్ట్ లుక్ చూస్తే.. ఆ నమ్మకం కలగడం లేదు. ఎందుకంటే.. ? ఫస్ట్ లుక్ లో హరి పాత్ర పోషిస్తున్న హీరో శ్ర‌వ‌ణ్ రెడ్డి బాత్‌ట‌బ్‌లో సిగ‌రెట్ తాగుతున్నాడు. అదీకూడా ఆయన ఎదురుగా ఓ అమ్మాయి నగ్నంగా ఉంటూ.. ఆమె కాళ్ల వేళ్లతో హీరోకి సిగరేట్ తాగిస్తుంది. దీంతో.. ఈ బూతు సినిమా అందంగా, కవితాత్మకంగా ఉంటుంది అంటే ఎవరు నమ్ముతారు.
చూస్తుంటే.. నిర్మాతగా తెచ్చుకున్న గొప్ప పేరు ఎంఎస్ రాజు దర్శకుడిగా పోగొట్టుకునే ఉన్నాడు. ఇక డర్టీ హీరోయిన్ ఎవరన్నది తెలియాల్సి ఉంది. ఈ సినిమాని గూడూరి శివ‌రామకృష్ణ, గూడురు స‌తీష్ బాబు, గూడురు సాయి పునీత్ సంయుక్తంగా ఎస్‌పీజే క్రియేష‌న్స్ బేన‌ర్‌పై ఈ చిత్రాన్ని నిర్మిస్తున్నారు.
