మెగాస్టార్’ని కాంట్రాక్ట్ తీసుకున్న రస్మిక

యంగ్ హీరోయిన్ రష్మిక మందన ఏకంగా మెగాస్టార్ చిరంజీవిని కాంట్రాక్ట్ కి తీసుకుందట. ఆమె నటించిన ప్రతి సినిమాకి మెగాస్టార్ ముఖ్య అతిథిగా వచ్చేందుకు కాంట్రాక్ట్ కుదుర్చుకుందట. ఈ విషయాన్ని స్వయంగా మెగాస్టార్ నే చెప్పారు. అనిల్ రావిపూడి దర్శకత్వంలో సూపర్ స్టార్ మహేష్ బాబు నటించిన చిత్రం ‘సరిలేరు నీకెవ్వరు’. రష్మిక మందన కథానాయిక. ఆదివారం హైదరాబాద్ ఎల్బీ నగర్ లో ఈ సినిమా ప్రీరిలీజ్ ఫంక్షన్ ఘనంగా జరిగింది. 

ఈ వేడుకకి మెగాస్టార్ చిరంజీవి చీఫ్ గెస్ట్ గా హాజరయ్యారు. చిరంజీవి స్పీచ్ లో రస్మిక గురించి ప్రత్యేకంగా ప్రస్తావించారు. బహుశా.. రస్మిక తనని కాంట్రాక్ట్ తీసుకున్నట్టుంది. ఆమె తెలుగులోకి పరిచయమైన ‘ఛలో’ సినిమా ప్రీ రిలీజ్ ఫంక్షన్ కి పిలిస్టే వెళ్లాను. అక్కడ రస్మిక ఉంది. ఆ తర్వాత మా వాళ్ల సినిమానే కదా అని ‘గీత గోవిందం’ ప్రీ రిలీజ్ ఫంక్షన్ కి వెళ్లాను.. అక్కడ రష్మికనే కనబడింది. ఇప్పుడు సరిలేరు నీకెవ్వరు సినిమాకి వస్తే.. ఇక్కడ రస్మిక ఉందని ఛమత్కరించారు. రస్మికకి మంచి భవిష్యత్ ఉందని ఆశీర్వదించారు.