సరిలేరు కథ అక్కడ పుట్టింది

సరిలేరు నీకెవ్వరు.. అనిల్ రావిపూడి దర్శకత్వంలో సూపర్ స్టార్ మహేష్ నటించిన చిత్రమిది. సంక్రాంతి కానుకగా ఈ నెల 11న ప్రేక్షకుల ముందుకు రానుంది. ఈ నేపథ్యంలో చిత్రబృందం సినిమా ప్రమోషన్స్ తో బిజీగా గడుపుతోంది. ఇందులో భాగంగా పలు ఆసక్తికర విషయాలు బయటికొస్తున్నాయి. ట్రయిన్ లో తాను ఒక మిలటరీ వ్యక్తితో చేసిన ప్రయాణం నుంచే ‘సరిలేరు నీకెవ్వరు’ సినిమా కథ పుట్టిందని దర్శకుడు అనిల్ రావిపూడి తెలిపారు.

రాజస్థాన్ నుంచి హైదరాబాద్ కు ఒకసారి ట్రయిన్ లో ఫ్రయాణం చేయాల్సి వచ్చింది. ఆ టైమ్ లో నిద్రపోకుండా కూర్చుని వున్న ఓ సోల్జర్ ను చూసి పలకరించా. ఆ సోల్జర్ తమకు నిద్ర అనేది చాలా తక్కువ అని, జాగ్రత్తగా వుండడం అలవాటు అయిపోయిందని చెప్పారు. అతడితో ఆ రాత్రంతా మాట్లాడుతూ వున్నా. తనను అతను నవ్విస్తూనే వున్నాడు. పనిలో అంత జాగ్రత్తగా, టెన్షన్ గా వుండే సోల్జర్ బయట ఇంత ఫన్ గా వుండడం ఆకట్టుకుంది. అక్కడే సరిలేరు కథ పుట్టిందని అనిల్ తెలిపాడు.

ఈ కాన్సెప్ట్ ను అనుకోకుండా మహేష్ బాబుకు చెప్పడం, ఆయనకు నచ్చడంతో ఎఫ్ 2 సినిమా టైమ్ లోనే ఈ సినిమా ప్లానింగ్ జరిగిపోయింది. 40 నిమషాల కథ విన్న తరువాత మహేష్ మళ్లీ తనను సినిమా గురించి అడగలేదు. ఏం చెబితే అది చేసేశారు. అంతలా తనను నమ్మారని అనిల్ చెప్పుకొచ్చాడు. ఇప్పటికే రిలీజైన టీజర్, ట్రైలర్ లని చూస్తే సరిలేరు బ్లాక్ బస్టర్ హిట్ అయ్యేలా కనిపిస్తోంది. ఫైనల్ గా సరిలేరు ఫలితం ఈ నెల 11న తేలనుంది.