రస్మికపై అనుమానాలు ఉండేవా ?
‘ఛలో’ సినిమాతో తెలుగు తెరకు పరిచయం అయింది రష్మిక మందన. ఆ తర్వాత ‘గీత గోవిందం’ సినిమాతో బ్లాక్ బస్టర్ హిట్ అందుకుంది. దేవదాస్, డియర్ కామ్రేడ్ సినిమాలతో ఆకట్టుకుంది. చిలిపి పిల్ల.. బాగా నటిస్తుంది అనుకున్నారు. స్టార్ హీరోయిన్ అయ్యే ఛాన్స్ ఉందని చెప్పుకొన్నారు. కానీ, ఇంత త్వరగా మహేష్ బాబు, అల్లు అర్జున్ లాంటి స్టార్ హీరోలతో నటిస్తుందని ఎవ్వరు ఊహించలేదు. అనిల్ రావిపూడి దర్శకత్వంలో తెరకెక్కిన సరిలేరు నీకెవ్వరు సినిమాలో మహేష్ తో రస్మిక రొమాన్స్ చేసింది.
ఇందులో అల్లరి పిల్లగా కనిపించనుంది. సినిమాలో మహేష్ వెంటపడి.. ఆయన్ని టార్చర్ పెట్టే అమ్మాయిగా కనిపిస్తుందట. ఈ సినిమా కోసం రస్మికని తీసుకున్నప్పుడు చాలామంది అనుమానాలు వ్యక్తం చేశారట. మహేష్ పక్కన రస్మిక సరిపోతుందా.. ? డౌట్లు వ్యక్తం చేశారట. కానీ.. ఇప్పుడు రస్మికనే సినిమాకి ప్లస్ అయిందని సినిమా ప్రమోషన్స్ కార్యకమంలో పాల్గొన్న దర్శకుడు అనిల్ రావిపూడి తెలిపారు. రష్మికను తీసుకున్నాక చాలా మంది అభ్యంతరాలు వ్యక్తం చేసారని, కానీ సినిమాలో ఇప్పుడు రష్మికనే ప్లస్ అయిందన్నారు.
