ఎమ్మెల్యేలపై ఆగ్రహం వ్యక్తం చేసిన సీఎం కేసీఆర్

ఎమ్మెల్యేలకి సీఎం కేసీఆర్ క్లాస్ తీసుకున్నారు. తెలంగాణ భవన్ లోఎమ్మెల్యేలు, నియోజకవర్గ ఇంచార్జీలతో సీఎం కేసీఆర్ సమావేశం అయ్యారు. ఐతే, ఈ సమావేశానికి ఎమ్మెల్యేలు ఆలస్యంగా రావడంతో.. వారిపై ఆగ్రహం వ్యక్తం చేశారు సీఎం కేసీఆర్. ఉదయం 10:30 నిమిషాలకి సీఎం కేసీఆర్ తెలంగాణ భవన్ కి చేరుకున్నారు. ఐతే, అప్పటికీ చాలామంది ఎమ్మెల్యేలు రాలేదు.
 
బుధవారం సాయంత్రమే ఎమ్మెల్యేలంతా హైదరాబాద్ చేరుకోవాలని సూచించారు. అయినా.. ఎమ్మెల్యేలు ఆలస్యంగా రావడంతో.. వారిపై సీఎం కేసీఆర్ ఆగ్రహం వ్యక్తం చేశారు. ఇక ఈ సమావేశంలో మున్సిపల్ ఎన్నికలపై చర్చిస్తున్నారు. ప్రధానంగా రెబల్స్ సమస్య గురించి చర్చసాగుతున్నట్టు తెలుస్తోంది. ఈ సమావేశంలోనే సీఎం కేసీఆర్ నియోకవర్గ ఇన్ ఛార్జులకి ఏ, భీ ఫామ్ లని అందజేయనున్నారు సీఎం కేసీఆర్.