30ఇయర్స్ పృధ్వీకి చెప్పుదెబ్బలు

ప్రముఖ నటుడు, వైసీపీ నేత పృథ్వీరాజ్ చెప్పు దెబ్బలు పడ్డాయి. రాజధాని అంశంపై ఇటీవల మీడియాతో మాట్లాడిన 30ఇయర్స్ పృధ్వీ రైతులను పెయిడ్ ఆర్టిస్టులంటూ వ్యాఖ్యానించారు. దీనిపై రైతులు మండిపడుతున్నారు. తాజాగా మందడంలో పృథ్వీరాజ్ దిష్టిబొమ్మను చెప్పులతో కొడుతూ రైతులు నిరసన వ్యక్తం చేశారు. పృధ్వీ వెంటనే రైతులకు క్షమాపణ చెప్పాలని డిమాండ్ చేశారు.

ఇక ఏపీకి మూడు రాజధానులని ఏర్పాటు చేసే దిశగా జగన్ సర్కార్ కసరత్తులు చేస్తున్న సంగతి తెలిసిందే. వైజాగ్ ని ఎగ్జిక్యూటివ్ రాజధానిగా చేయనున్నారు. కర్నూలులో హైకోర్టుని ఏర్పాటు చేయనున్నారు. అమరావతిలోనే చట్టసభలు ఉండనున్నాయని తెలుస్తోంది. ఇప్పటికే జీఎన్ రావు, బ్రిస్టన్ కమిటీల రిపోర్టులు వచ్చేశాయి.

ఈ రెండు కమిటీలు ఇచ్చిన రిపోర్టులపై హైపర్ కమిటీ అధ్యయం చేస్తోంది. ఇటీవల హైపర్ కమిటీ తొలి సమావేశం జరిగిన సంగతి తెలిసిందే. సంక్రాంతి తర్వాత రాజధాని అంశంపై జగన్ సర్కార్ స్పష్టమైన నిర్ణయం తీసుకోనుంది.