పతంగులు ఎగురవేసిన కేటీఆర్

తెలంగాణలో సంక్రాంతి సంబరాలు జోర్ దార్ గా జరుగుతున్నాయి. ఆకాశంలోకి పతంగలు దూసుకెళ్తున్నాయి. టీఆర్ ఎస్ వర్కింగ్ ప్రెసిడెంట్, మంత్రి కేటీఆర్ పతంగి ఎగరేశారు. హైదరాబాద్ తెలంగాణ భవన్ జరిగిన సంక్రాంతి సంబరాల్లో కేటీఆర్ పాల్గొన్నారు. ఈ సందర్భంగా కేటీఆర్ ఉత్సాహంగా గడిపారు. తెలంగాణ భవన్ పై పతంగులు ఎగురవేశారు. ఈ కార్యక్రమంలో మేయర్ బొంతు రామ్మోహన్, జూబ్లీహిల్స్ ఎమ్మెల్యే మాగంటి గోపీనాథ్, రైతు సమన్వయ సమితి చైర్మన్ పల్లా రాజేశ్వర్ రెడ్డి తదితరులు పాల్గొన్నారు.

మున్సిపల్ ఎన్నికల ప్రచారంలో బిజీగా గడుపుతున్న తెరాస నేతలకి సంక్రాంతి సెలవులు రిలీఫ్ ని ఇస్తున్నాయి. ఇక మున్సిపల్ ఎన్నికల్లో క్లీన్ స్వీప్ నే లక్ష్యంగా పెట్టుకుంది గులాభి పార్టీ. ఇందుకోసం పక్కా వ్యూహంతో ముందుకెళ్తోంది. ఇటీవలే నియోజకవర్గ ఇన్ ఛార్జులు, ఎమ్మెల్యేలతో ప్రత్యేకంగా సమావేశమైన సీఎం కేసీఆర్ మున్సిపల్ ఎన్నికల్లో అనుసరించాల్సిన వ్యూహాలపై దిశానిర్ధేశం చేశారు. అంతేకాదు.. సరైన రిజల్ట్ రాకపోతే మంత్రి పదవులు ఊడతాయని వార్నింగ్ కూడా ఇచ్చారు.