బాలీవుడ్ నటి కారు ప్రమాదం.. పరిస్థితి విషయం !
ప్రముఖ బాలీవుడ్ నటి షబానా అజ్మీ ప్రయాణిస్తున్న కారు ప్రమాదానికి గురైంది. ఆమె కారు అదుపుతప్పి టిప్పర్ ని ఢీకొంది. ముంబయి-పుణె ఎక్స్ ప్రెస్ రహదారిపై ఈ ప్రమాదం చోటుచేసుకుంది. కోల్హాపూర్ టోల్ ప్లాజా సమీపంలో ఆమె ప్రయాణిస్తున్న కారు అదుపు తప్పి టిప్పర్ ని ఢీ కొట్టింది. ఈ ప్రమాదంలో షబానా అజ్మీకి తీవ్రగాయాలయ్యాయి. ఆమె భర్తకి స్వల్ప గాయాలు అయినట్టు తెలుస్తోంది. వీరిని వెంటనే ఆసుపత్రికి తరలించి చికిత్స అందిస్తున్నారు.
ప్రస్తుతం షబానా దంపతులు పాన్వెల్ లోని ఎంజీఎం ఆస్పత్రిలో చికిత్స పొందుతున్నారు. షబానా ఆరోగ్య పరిస్థితిపై ఆసుపత్రి వర్గాలు ప్రకటన చేసింది. ‘షబానా ముక్కుపై గాయాలయ్యాయి. ఇతర గాయాలు ఏమీ కనిపించడంలేదు. ప్రమాదం మూలంగా ఆమె షాక్ కు గురయ్యారు. చికిత్స కొనసాగుతోంది. ఆమె ఆరోగ్య పరిస్థితి నిలకడగా ఉంది’ అని తెలిపారు.
