అల.. డబుల్ సెంచరీ దాటింది !

సంక్రాంతి సినిమాలు సెంచరీల మీద సెంచరీలు చేస్తున్నాయి. ఇప్పటికే సరిలేరు నీకెవ్వరు రూ.100కోట్ల షేర్, రూ. 200కోట్ల గ్రాస్ ని కలెక్ట్ చేసిన సంగతి తెలిసిందే. ఈ మేరకు సరిలేరు చిత్రబృందం అధికారికంగా ప్రకటించింది. ఇక, మరో సంక్రాంతి సినిమా అల.. వైకుంఠపురంళో సరిలేరుని మించేలా కలెక్షన్స్ లో దూసుకెళ్తోంది. 

తాజాగా అల.. సినిమా రూ. 220కోట్ల గ్రాస్ ని కలెక్ట్ చేసింది. నాన్ బాహుబలి 2 రికార్డులని బ్రేక్ చేసింది. 10రోజుల్లోనే డబుల్ సెంచరీ సాధించడం విశేషం. ఈ సినిమా ఇప్పటివరకు రూ. 143కోట్ల షేర్ ని కలెక్ట్ చేసింది. ఈ విషయాన్ని తెలియజేస్తూ చిత్రబృందం ఓ పోస్టర్ ని వదిలింది. దీనిపై అల.. నాన్ బాహుబలి 2 రికార్డుని బ్రేక్ చేసింది. రూ. 220కోట్ల గ్రాస్, రూ. 143కోట్ల గ్రాస్ ని కలెక్ట్ చేసిందని తెలిపింది. 

త్రివిక్రమ్-అల్లు అర్జున్ కాంబోలో వచ్చిన హ్యాట్రిక్ చిత్రమిది. ఇందులో బన్నీకి జంటగా పూజా హెగ్డే నటించింది. మరో హీరోయిన్ గా నివేదా పేతురాజు నటించింది. బాలీవుడ్ నటి టబు కీలక పాత్రలో కనిపించారు. యంగ్ హీరోలు నవదీప్, సుశాంత్ లకి మంచి పాత్రలు దక్కాయి. మురళీ శర్మ, సముద్రఖని ఇతర కీలక పాత్రల్లో నటించారు. థమన్ సంగీతం అందించారు. హారిక అండ్ హాసిని క్రియేషన్స్, గీతా ఆర్ట్స్ సంయుక్తంగా నిర్మించాయి.