నాగశౌర్య కథతో నాగ చైతన్య సినిమా

యంగ్ హీరో నాగశౌర్య రచయితగా మారిన సంగతి తెలిసిందే. ఆయన తాజా చిత్రం ‘అశ్వద్థామ’ కోసం సొంతంగా కథని అందించాడు. ఆ కథని కొత్త దర్శకుడు రమణ తేజ చేతుల్లో పెట్టాడు. నాగశౌర్య సొంత బ్యానర్ నిర్మించింది. ట్రైలర్ తో అంచనాలని పెంచేసిన అశ్వద్థామ ఈ నెల 31న ప్రేక్షకుల ముందుకు రానుంది. ఈ సినిమాని చాలా నిజాయితీగా తీశాం. ప్రేక్షకులకి ఆకట్టుకుంటుందనే నమ్మకం ఉంది అంటున్నారు నాగశౌర్య.

ఇకపై కూడా నాగశౌర్య కథలు రాస్తారట. ప్రస్తుతం ఓ కథని రాస్తున్నాడట. ఆ సినిమా మూడ్నెళ్లలో మొదలుకానుంది. సొంత బ్యానర్ ఐరా క్రియేషన్స్ లోనే ఉండనుందని అశ్వద్థామ సినిమా ప్రమోషన్స్ లో పాల్గొన్న నాగశౌర్య  తెలిపారు. అంతేకాదు.. కథ పూర్తయిన తర్వాత హీరో ఎవరన్నది చెబుతాం అన్నారు. అదే సమయంలో తన కథని నాగచైతన్య లాంటి పెద్ద హీరో ఓకే చేస్తే బాగుంటుందేమో అన్నారు. దీంతో నాగశౌర్య చైతూని దృష్టిలో పెట్టుకొని కథని రెడీ చేస్తున్నారని తెలుస్తోంది. ఇది లవ్ స్టోరీ అట. విభిన్నంగా ఉండనుందని చెబుతున్నాడు.

ప్రస్తుతం నాగచైతన్య శేఖర్ కమ్ముల దర్శకత్వంలో ఓ సినిమా చేస్తున్నారు. ఇదో ప్రేమకథ. సాయి పల్లవి హీరోయిన్. లవ్ స్టోరీ టైటిల్ ప్రచారంలో ఉంది. ఇందులో చైతూ తెలంగాణ కుర్రాడిగా, సాయిపల్లవి ఆంధ్రా అమ్మాయిగా కనిపించనుందని చెబుతున్నారు. ఏప్రిల్ లో ఈ సినిమా ప్రేక్షకుల ముందుకురానుంది. ఇక నాగశౌర్య రెడీ చేసిన కథని చైతూ ఓకే చేయాలంటే.. రచయితగా నాగశౌర్య హిట్ కావాలి. అంతే.. అశ్వద్థామ హిట్ కావాలి. అప్పుడే శౌర్య రాసిన కథని చైతూ ఓకే చేసే చాన్స్ ఉంటుందని చెప్పవచ్చు.