అందుకే ‘అశ్వద్థామ’ టైటిల్ 

యంగ్ హీరో నాగశౌర్య తాజా చిత్రం ‘అశ్వద్థామ’. మెహ్రీన్ కథానాయిక. ఈ సినిమాకి నాగశౌర్యనే కథ అందించారు. ఆయన సొంత బ్యానర్ ఐరా క్రియేషన్స్ నిర్మించింది. ట్రైలర్ తో అంచనాలు పెంచేసిన అశ్వద్థామ ఈ నెల 31న ప్రేక్షకుల ముందుకు రానుంది. విశాఖ బీచ్ లో నేరాల నేపథ్యంలో తెరకెక్కిన ఈ సినిమాకి అశ్వద్థామ కథని ఎందుకు పెట్టారు ? అనే విషయం ఆసక్తిగా మారింది. సినిమా ప్రమోషన్స్ లో పాల్గొన్న నాగశౌర్య దీనిపై సమాధానం ఇచ్చారు. 

“ద్రౌపది చీర లాగుతున్నప్పుడు అందరూ వినోదం చూస్తే… అశ్వథ్థామ ఒక్కడే ప్రశ్నించాడు. ఆ ప్రశ్నించే గుణంలోంచే ఈ కథ పుట్టుకొచ్చింది. అమ్మాయిలపై జరుగుతున్న అరాచకాలకు ఎదురొడ్డే కుర్రాడి కథ ఇది. అందుకే ఆ పేరు పెట్టాం” అని తెలిపారు నాగశౌర్య. ఇక సినిమాపై నాగశౌర్య గట్టి నమ్మకంతో ఉన్నారు. నాకు చాలా దగ్గరైన కథ ఇది. ఈ సినిమా కోసం ప్రపంచం అంతా తిరిగా. చాలామందిని కలిశా. అది నాలో మార్పుని తీసుకొచ్చింది. అందుకే నాకు చాలా దగ్గరైన అశ్వద్థామని టాటూగా వేసుకున్నాని తెలిపారు నాగశౌర్య