మొహాలీ వన్డే : భారత్ 50/0 (12 ఓవర్లు)
మొహాలి వేదికగా భారత్-శ్రీలంక మధ్య రెండో వన్డే ప్రారంభమైంది. టాస్ గెలిచిన శ్రీలంక ఫీల్డింగ్ ఎంచుకొంది. ప్రస్తుతం భారత్ 12.1 ఓవర్లలో వికెట్‌ నష్టపోకుండా భారత్ 50 పరుగులతో ఆటని కొనసాగిస్తోంది. ఓపెనర్లు ధావన్‌(30), రోహిత్‌ శర్మ(19) పరుగులతో క్రీజులో ఉన్నారు.
తొలి వన్డేలో లంక చేతిలో టీమిండియా ఘోర పరాజయం పాలైన సంగతి తెలిసిందే. మొహాలీ వన్డేలోనూ లంక సేమ్ గేమ్ తో రంగంలోకి దిగినట్టు కనబడుతోంది. ఇందులో భాగంగానే టాస్ గెలిచిన లంక మళ్లీ ఫీల్డింగ్ నే ఎంచుకొంది. రెండో వన్డేలో ఎలాగైనా విజయం సాధించాలనే పట్టుదలతో భారత్ ఉండగా, రెండో వన్డేలోనూ విజయం సాధించి సిరీస్‌ గెలవాలనే లక్ష్యంతో లంక ఉన్నట్టు తెలుస్తోంది.
