కోహ్లీ ఓటమి ఖాయం అనుకొన్నాడట !

హామిల్టన్ వేదికగా న్యూజిలాండ్ తో జరిగిన మూడో టీ20 మ్యాచ్ లో టీమిండియా సూపర్ విన్ అయిన సంగతి తెలిసిందే. ఉత్కంఠపోరులో సూపర్ ఓవర్ లో ఫలితం చేరింది. ఐతే, కివీస్ కెప్టెన్ బ్యాటింగ్ చూసిన టీమిండియా కెప్టెన్ కోహ్లీ మ్యాచ్ చేజారిందని.. భావించాడట. ఈ విషయాన్ని కోచ్ కి చెప్పాడట. మ్యాచ్ ముగిసిన తర్వాత ఈ విషయాన్ని గుర్తు చేసుకున్నాడు కోహ్లీ.

ఈ మ్యాచ్ లో కివీస్ కెప్టెన్ విలియమ్స్ ఓ రేంజ్ లో రెచ్చిపోయాడు. 8 బంతుల్లో 95 పరుగులు చేసిశాడు. 8 ఫోర్లు, 6 సిక్సర్లతో ఊచకోత కోశాడు. విలియమ్ సన్ బ్యాటింగ్ ని చూసి.. మ్యాచ్ పై కోహ్లీ సైతం ఆశలు వదిలేసుకున్నాడు. కానీ, కీలక సమయంలో విలియమ్స్ అవుట్ కావడం, ఆ వెంటనే షమీ బంతితో మ్యాజిక్ చేయడంతో మ్యాచ్ మలుపు తిరిగిందని కోహ్లీ తెలిపాడు. ఇక  మొదట బ్యాటింగ్ చేసినప్పుడు, ఆ తర్వాత సూపర్ ఓవర్ లోనూ రోహిత్ అద్వితీయమైన ఆటతీరు ప్రదర్శించాడు. సూపర్ ఓవర్ చివరి రెండు బంతులని సిక్సర్స్ గా మలిచిన రోహిత్ జట్టుకి విజయాన్ని అందించారు.