మహేష్ ఫ్యామిలీ టూర్.. కొత్త పిక్ !
సూపర్ స్టార్ మహేష్ బాబు ఫ్యామిలీ పర్సన్ అన్న సంగతి తెలిసిందే. ఆయన ఏమాత్రం ఖాళీ దొరికిన ఫ్యామిలీతో కలిసి ఫారిన్ ట్రిప్స్ వేస్తుంటారు. సరిలేరు నీకెవ్వరు సినిమా హిట్ కిక్కులో ఉన్న మహేష్ ఫ్యామిలీ కలిసి న్యూ యార్క్ ట్రిప్ కి చెక్కేసిన సంగతి తెలిసిందే. అక్కడ ఫ్యామిలీ కలిసి తెగ ఎంజాయ్ చేస్తున్నారు.
న్యూ యార్క్ కి బయలుదేరే ముందే ఎయిర్ పోర్టులో ఫ్యామిలీతో కలిసి దిగిన ఫోటోలని మహేష్ అభిమానులతో పంచుకున్నారు. తాజాగా న్యూ యార్క్ వీధుల్లో విహరిస్తున్న సమయంలో తీసిన ఓ ఫోటోని అభిమానుల కోసం తన ట్విట్టర్ షేర్ చేశారు మహేష్. ఇందులో మహేష్ టోపీ పెట్టుకొని కనిపిస్తున్నారు. ‘ఈ సారి… గత వారం.. న్యూయార్క్.. న్యూయార్క్.. కుటుంబంతో..’ అంటూ కామెంట్ పెట్టాడు మహేష్.
ఇటీవల మహేష్ సతీమణి నమ్రత పుట్టినరోజు వేడుకని న్యూయార్క్ లోనే జరుపుకున్నారు మహేష్. న్యూయార్క్ నుంచి తిరిగొచ్చాక మహేష్ తన తదుపరి సినిమాపై ఫోకస్ పెట్టనున్నాడు. వంశీపైడిపల్లి దర్శకత్వంలో మహేష్ తదుపరి సినిమా తెరకెక్కనుంది. ఇందులో మహేష్ గ్యాంగ్ స్టర్ పాత్రలో కనిపిస్తారని చెప్పుకొంటున్నారు. ఈ సినిమాలో విజయ్ దేవరకొండ కీలక పాత్రలో కనిపించబోతున్నట్టు ప్రచారం జరుగుతోంది. సమ్మర్ లో ఈ సినిమా సెట్స్ మీదకు వెళ్లనుంది.
This time…last week!!
New York New York 😍😍
Family’s day out !! pic.twitter.com/GpzFai4Tvr— Mahesh Babu (@urstrulyMahesh) January 30, 2020
